3 Ma ye ka tamawishtiliste in Dyos yewal niTATS in toTats Yehshwa-Kristo, kampa yewal miyak tishmashti pa mochi tamashtiliste ten kwal pa inik kaha takpakIlwikak pa Kristo. 4 Dyos otishonan pa yewal, kwah ayamo'ok katkaya in tal, pa tiyeloskya ta'onanalme pa tiktepanoliloskya Dyos wan amo tikpiyaloskya katsawiliste ni'ishpa yewal, pa nitasotalisteDyos. 5 Dyos okichi pa timochiwaloskya ininpilwam ika yewal Yehshwa-Kristo. Hanwel in ten kwal tamatiya pa kichiwaskya, kampa yok okinek okichi. 6 Dyos otishonan pa yok tikililoskya tahtolme wehwe pa nitasotalisteWe, in yewal amo kipi tashtawaliste yewal otishmak ika nitasotaliste nikon. 7 In yEste yewal Kristo okitotokalti pa nimikiliste otashta totakistiliste pa timomakawaloskya kampa tikatkaloya kina tatsakwalme. In kinek kitos, yewal Dyos han nitasotalisteWe yewal tishihnili tota'ihtakoliste. 8 Dyos otishmak hyeroWe nita'ihniliste ka mochi nitamatiliste wan mochiten kimatiya, 9 Dyos otishmashti in ten kitatitikatkaya, hanwel in ten kwal tamatiya pa kichiwaskya, yok okinek okichi inak in Kristo. 10 Pa kimani asiskya in tonat yewal okital, Dyos kinnichikos pa kishki tatakewaliste ika Kristo pa mochiten, yok kina ten kat pa in ilwikak, wan in yewal ten kat pa tal.

11 Niyok ipa Kristo, Dyos otishonan pa tishmakaskya takawaliste kwah ayamo'ok kipewaltiyaya mochital; kampa yok okinek okichi, kampa yewal kichi pa mochiten motachiwas kina yewal tamatitiyas. 12 Okichi kampa tehwante inik yudiyo' pa tiyeloskya nipewaliste kampa timochiyaloskya pa Kristo, kampa moshte tikililoskya tahtolme wehwe ka nitawiliste. 13 Niyok anmehwante amo yudiyo', kwah kikakik in tahtol melawak, in nitamashtilisteKwal yewal anmishwalikil takistiliste pa anmoyololiste wan antaneltokak, pa haniman oyek taseyarilme ka in EspirituSanto yewal okintenewil ya wehkA. 14 Ka in EspirituSanto momatis kampa melawak tikonanaske in takawaliste yewal Dyos titishmakas, pa kimani asis tamakawaliste pa moshte nimasewalme Dyos, pa kiliske moshte tahtolme wehwe ka nitawiliste.

15 Pa kimani onihmat kina anmehwante antaneltokaloya pa in Tats Yehshwa wan kina ankintasotaloya moshte nita'onanalme nitekipanolme Dyos, 16 amo annimishilka pa nitemakas tashtawaliste pa anmehwante annimishilnamiki pa kimani niktahtolti Dyos. 17 Niktahtani niDyos in toTats Yehshwa-Kristo, in TATS ka tawiliste, yewal ni'Espiritu ma anmishmak tamatiliste pa kwal anki'ishmatiske. 18 Niktahtani niyok pa anmishilnamikiltis pa anmotamatiliste, pa ankimatiloskya kampa kipi hyero miyak tanotsaliste in ankichishtikatkaloya yewal ankipiyal anmehwante inik ankat tanotsalme, wan hyero miyak kipi nitamashtiliste ika nitakawaliste yewal Dyos kinmak yehwante nita'onanalme nitekipanolme Dyos, 19 niktahtani niyok pa ankimatiske kina hyeroWe nichikawaliste pa ika tehwante inik kishki titaneltokal. In nichikawaliste amo kipi nitenko; pa moshte kineshti kina we nichikawaliste 20 pa kimani okiyolti pa ika mihmihki in Kristo wan okital pa nimahwakwal pa inik kaha ilwikak, 21 yok ashka onka in Kristo ipa mochiten yehwante kishki reynarotikat wan inik kishki kipiyal tatakewaliste wan ipa kishki kipiyal chikawaliste wan ipa kishki inik patrone' pa taneltokal, wan ipa inik mochiten kipiyal poderoliste amo hanwel pa ashka in mochital hanwel niyok pa in yankwik mochital yewal walas. 22 Dyos okimak Kristo mochiten kampa pa yewal ma ye tatakewaliste wan okital ipa mochiten, yok niyok kina tsontek pa moshte kishki taneltokal. 23 Inik taneltokalme yehwante kat nikwerpo Kristo, wan yewal kichi kampa mochi pa yes tatamilme wan kintemiltili mochiten moteshmonektiyas.