Toyoliliste pa Kristo
2
Dyos anmishmak yoliliste kimani anmehwante katkaloya kina mihmihke pa ta'ihtakoliste, wan kichiwaloya ten amokwal. 2 Ya wEhka anmehwante mochantiloya ka ta'ihtakoliste kina oksek masewalme, wan kichiwaloya kina kinekiya niyehyekat tawalilot in wetatakewan yewal kintake oksek niyehyekatim tawalilom in amo nesil pa yehyekat, wan yewal kinchikawaltiyaya pa kichiwaloskya ten amokwal inik amo taneltokaloya pa Dyos. 3 Yok niyok moshte tehwante tiyoliloya ya wehkA, tikchiwaloya kina han tihnekiloya ka in mochiten amokwal pa tokwerpo wan tota'ilnamikiliste. Kwal katka pa tiyeloskya takokoltilme ka nikwalaniliste Dyos kina moshte oksek. 4 Ma yok, Dyos miyak ta'ihnili, wan otishnek ka se tasotaliste we, 5 kampa tishmak yoliliste inak Kristo, pa kimani tikatkaloya mihmihke ka tota'ihtakoliste. Yok ka nita'ihniliste Dyos anmehwante ankat takistiliste pa in poliwiliste. 6 Kampa niyok inak Kristo otishyolti, wan okichi pa timotaliloskya ka Kristo Yehshwa pa inik kaha takpakIlwikak. 7 In okichi pa kineshtis pa inik shiwim yewal walal, in tamashtiliste amo kipi tamachiwaliste ka nitasotalisteWe wan nita'ihniliste yewal kipi ka tehwante in Kristo Yehshwa. 8 Ka nitasotalisteWe Dyos anmehwante yahmo poliptikat pa ika in taneltokaliste. Anmehwante amokwal antashtawaloskya pa amo poliwiloskya, hanwel yewal in nitemakaliste Dyos. 9 Yewal anmehwante amo ankitanil ka anmotachiwaliste kwahkwalme yewal ankichiwal, pa amoyok amo'ak mopantilitiyas. 10 Kampa tikat nitachiwaliste Dyos; yewal otishmak yoliliste yankwik ika Kristo Yehshwa wan yok shikchiwak tachiwaliste kwahkwalme, yewal Dyos yok okital pa tehwante ya wehkA.Tikpiyal sewiliste ika Kristo
11 Shikilnamikik kampa anmehwante amo antakatik kina yudiyo', akyehwante motokayoltil iselte kina inik kipiyal takotonilme nikwerit kaha mashishal wan anmehwante anmishtokayoltiloya inik amo ankipiyaloya takotonilme anmokwerit kaha anmashishal, in katka se taneshtiliste pa mochiwililoya yehwante pa nikwerpo ka nimahwam, 12 shikilnamikik kimani amo anki'ishmatiloya Kristo, amo katkaloya nimasewalme Isra'El, wan amo ki'ishmatiloya nitaketsalisteYankwik ka nitatinewiliste Dyos yewal okichi ka Isra'El. Anyoliloya pa in tal kampa amo ki'ishmatiloya Dyos wan amo mochiyaloya pa yaloskya pa in takpakIlwikak pa kimani mikiloskya. 13 Ma yok, ashka ankat inak Kristo Yehshwa, anmehwante ankatkaloya wEhka ka Dyos, kampa omik ototok niyEste Yehshwa-Kristo yok anmishasilti inak Dyos. 14 Kampa Kristo otishmak tosewiliste, ika inik yudiyo' wan inik amo yudiyo' pa okichi se han pweblo, kwah omik pa kruskwawit yok okishitin in tepante yewal kintsakwiliyaya kampa mokwalanililoya. 15 Ka nimikiliste Kristo okichi pa tamiskya nitakwihkwilol pa NitanawatilMoshé in kipiyaya nitanawatilisteDyos, wan kipiyaloya oksek tachiwalme pa kichiwaloskya; yok niyok okichi ka inik yudiyo' wan inik amo yudiyo' pa mochiwaloskya in omente pweblo' pa se han, in omochiwil pa yewal isel, han kina masewalme tayankwililme. Wan yok okichi pa yeloskya ka sewiliste. 16 Ma yok ka nimikiliste pa kruskwawit Kristo okichi pa tamiskya in kwalaniliste, yewal katka ika inik yudiyo' wan inik amo yudiyo', okichi pa yeloskya in omente se han kwerpo wan yok okichi pa kipiyaloskya sewiliste inak Dyos.
17 Kristo owal wan kinmili tamashtilisteKwal ka sewiliste pa moshte anmehwante ankatkaloya wehkA ka Dyos, yok kina yehwante katkaloya inak Dyos. 18 Kampa ika yewal Kristo moshte inik yudiyo' wan inik amo yudiyo', moshte kwal pa timo'asiltiske ka toTatsDyos ka in se han EspirituSanto. 19 Kampa yok anmehwante inik amo kat yudiyo', yahmo ankat kina ta walatiyaloskya pa oksek talme wan mochantilme pa oksek pweblo' amo anmopweblo, hanwel ashka ankat pa in hanse pweblo inak inik nita'onanalme nitekipanolme Dyos wan ashka kat in nifamilya Dyos. 20 Wan anmehwante ankat kina se we kalchiwaliste, ankat ipa nitakon yewal kitalik inik tatitanilme wan inik niTaketsalme nitahtolmeDyos, pa in kalchiwaliste Yehshwa-Kristo onka in tet yewal nitsontek pa mochi kalchiwaliste. 21 Pa Kristo mochi in kalchiwaliste, kwal mokalchipti wan mo'ahkokti pa mochiwas se tyopWe tatasot pa in Tats. 22 Yok niyok ankat tanichikolme pa Kristo, anmehwante inik amo yudiyo' wan inik yudiyo' ankat pa in kalchiwaliste kaha Dyos mochanti ika ni'EspiruSanto.