Satán kinek kitilanas niyol Yehshwa
(Mt. 4:1-11; Mk. 1:12-13)
4
Yehshwa,
walmokwep pa atenko Yordán nehnemiyaya ka miyak EspirituSanto,
wan in Espiritu okichiwalti pa yaskya Yehshwa pa se tal kaha tawak amo'ak mochanti.
2 Ompa omoka 40 tonatim,
wan Satán kinekiya kitaniliskya Yehshwa niyol pa kichiwaskya ten kitsakwili ka Dyos.
Kwah opan inik tonatim,
amoten okikwa wan hyero walmayan.
3 Kwakin Satán kili:
―Ta melawak tewal nikonDyos,
shikil in tet ma mochi pan.
4 Yehshwa kinankili:
―In takwihkwilol kito:
“Amo hanwel ka pan yoltik takat.”a
5 Kwakin in Satán okiwik Yehshwa pa se tepetLom takpak,
wan han kineshtil mochi nireynaroliste pa mochi kishki tal.
6 Wan in Satán kili:
―Newal nimishmakas chikawaliste ipa mochi in reynaroliste wan ipa mochiten in miyak tapiyal.
Kampa newal nishmakak,
wan newal kwal nihmakas ak newal nihnekis nihmakas.
7 Ta timotankwakets no'ishpa newal,
mochi yeske pa tewal.
8 Yehshwa kinankili:
―Yok takwihkwilol in:
“In TATS moDyos,
shiktankwaketsalil hanwel yewal tiktikipanolis.”
9 Kwakin Satán okiwik Yehshwa pa Yerushalém wan okitakishti takpak pa tyopWe wan kili:
Nitanawatilhelme kintakewas pa mishkwitawiske tewal pa mishtsawiliske.
11 Ka nimahwam mishkitskiske,
pa amo timotsohtsowis pa tetelme.
12 Yehshwa kinankili:
―Niyok kito nitakwihkwilolisteDyos:
“Amo shikchi ten pa kitilanas niyol in TATS moDyos.”
13 Kimani in Satán yahmo kimatiya ten kichiwaskya ka Yehshwa pa kitilaniliskya niyol,
ma yok panoti wEhka yewal pa kishki tonatim.
Yehshwa okipewalti nitikipanol pa Galileya
(Mt. 4:12-17; Mk. 1:14-15)
14 Nehnemiyaya ka miyak EspirituSanto Yehshwa walmokwep pa Galileya,
wan taketsaloya ka yewal pa mochi pweblo pa tal.
Lucas 4.14-44
Yehshwa pa Nasaret
(Mt. 13:53-58; Mk. 6:1-6)
16 Yehshwa oy pa Nasaret,
in pweblo kaha mo'apa.
Pa se tonatmosewilyudiyo okalak pa in tyopYudiyo,
kina kimatiloya kichiwaloya,
wan omokets pa kimashtiskya nitakwihkwilolisteDyos.
17 Okimakak in amat yewal nitakwihkwilol niTaketsal nitahtolDyos YeshaYah;
wan Yehshwa ki'istap in amat,
wan okit kaha katka tapahwil yewal kito:
18 In niEspiritu TATS onka ipa newal,
onishtashawil pa nitemakas tamashtilisteKwal ka yehwante amoten kipiyal;
onishwaltitan pa nikinnawatis inik kat tatsakwalme,
wan nikinmakas
pa tachiyaske in amo tachiyalme;
pa nikinkawas tamakawalme in kintakokoltil;
19 wan pa kinmashtiskya nitanawatilisteDyos pa moshte,
yewal in shiwit okonan pa tishkishtis ka poliwiste in TATS.
20 Kwakin Yehshwa ki'olol in amat,
okimak in tikipanol yewal tapalewiyaya pa in tyopYudiyo wan omotal.
Moshte kishki ompa katkaloya mokawak kitatiyak,
21 kwakin Yehshwa kinmili:
―Ashka pa in tonat omonamik ka in takwihkwiloli ika ni'ama in WeTatsDyos anmo'ishpa anmehwante.
22 Moshte kwal kitoloya ika yewal wan motapololtiloya kampa kwal kichiwiliyaya ka nitahtolme yewal ten kitowaya.
Wan motahtanililoya:
―Amo yewal nikon Yosé?
23 Yehshwa kinmili:
―Melak anmehwante annishilnamikiltiske in tahtol yewal kito miyak taketsaliste:
“Tapahtini,
shimopahti tewal mosel”;
wan niyok nichiliske:
“Ten tihkakik yewal otikchi pa KaparNahum,
niyok shikchi nika pa motal kaha titakat.”
24 Wan yok kitowaya:
―Melak annimichilis,
kampa amo'ak niTaketsal nitahtolDyos kinamikiske kwal pa nital kaha takat.
25 Wan melak annimichilis katkaloya myak siwam mihmihki inintaka pa in tal Isra'El pa inik tonatim ka niTaketsal nitahtolDyos EliYah,
kimani amo okiya pa yey shiwim wan tahko,
oye miyak mayanaliste pa mochi Isra'El;
26 ma yok Dyos amo okititan EliYah pa amo'ak ka yehwante mihmihki inintaka,
hanwel se siwat mihki nitaka,
yewal mochantiyaya pa tal Sarepta,
amo wEhka katkaya in Wepweblo Tsidón.
27 Yok niyok,
pa in tal Isra'El katkaloya myak kokoshkim ka in kokoliste itok lepra,b
pa in tonatim ka niTaketsal nitahtolDyos ka Elisha,
ma yok amo'ak okipahti ka yehwante hanwel Namán yewal katka sireteko.
28 Kwah kikakik moshte kishki katkaloya pa in tyopYudiyo hyero kwalanik.
29 Walmoketsak wan kikishtik Yehshwa pa kiyawak pa in Wepweblo,
kiwikaloya ikpak in tepetLom yewal in Wepweblo ompa katka tachiwal,
pa kitasaloskya ompa pa tatsinta.
30 Ma yok yewal opan ipanta ka yehwante wan opanoti.
Se takat kipiyaya yehyekat katsak
31 Yehshwa oy KaparNahum,
pa in Wepweblo Galileya,
wan ompa kinmashtiyaya masewalme pa in tonatmosewilyudiyo.
32 Wan in masewalme motapololtiloya kina tamashtiyaya,
kampa kintakichiliyaya ka wetatakewaliste.
33 Katkaya pa in tyopYudiyo se takat kipiyaya se yehyekat katsak yewal waltsats ka chikawaliste:
34 ―Shitishka;
ten tikpi ka tehwante,
Yehshwa,
tewal otikis pa in pweblo Nasaret?
Otiwal pa titishtamis?
Nihmat ak tewal,
wan tewal NiChipawak Dyos.
35 Kwakin Yehshwa oki'ahwa in yehyekat,
kili:
―Amo shinawatiti,
wan shikis pa yewal!
Kwakin in yehyekat katsak kitsehtsel chikawak in takat ipanta yehwante,
wan okis pa takat amo kikokolti.
36 Moshte momaptitikatkaloya,
wan motahtanililoya sek ka oksek:
―Ten tahtolme yewal in?
Ka wetatakewaliste wan chikawaliste kintake yehyekatim kahkatsak wan kineltokal,
wan yehwante kisal!
37 Haniman moshte kimatiloya pa kishki itenko mochital yewal ten kichiwaya Yehshwa.
Yehshwa kipahti nimonantsi Petros
(Mt. 8:14-15; Mk. 1:29-31)
38 Yehshwa okis pa in tyopYudiyo wan panoti ka nikal Shimón.
Nimonantsi Shimóm kipiyaya miyak atonawiste wan kitahtanik Yehshwa pa yewal.
39 Yehshwa mokwalpach ka yewal wan oki'ahwa in atonawiste,
wan in atonawiste okikis.
Haniman yewal omokets wan haniman kintayokshitil.
Yehshwa kinpahti myak kokoshkim
(Mt. 8:16-17; Mk. 1:32-34)
40 Kwah otamalin in tonat,
moshte kishki kinpiyaloya kokoshkim pa mochi'as kokoliste kinwalikilik Yehshwa;
kintaliliyaya nimahwam ipa sesen yehwante wan kinpahtiyaya.
41 Pa myak kokoshkim niyok kisak myak yehyekatim kahkatsak,
yehwante tsatsiloya:
―Tewal nikonDyos.
Yehshwa kinahwaya in tawalilom wan amo kinmakawaltiyaya pa tahtoloskya,
kampa yehwante kimatiloya yewal katka Kristo.
Yehshwa kintakichilitinem pa tal Galileya
42 Tahtanesti,
Yehshwa okis pa in pweblo,
oy kaha amo'ak katka,
in masewalme kitemoloya,
kwah kitak hyero miyak kitahtaniloya pa mokawaskya ka yehwante,
43 yewal kinmili:
―Niyok monek kampa newal nikinnawatis nitamashtilisteKwal ka nireynarolisteDyos pa oksek Wehwepweblo',
kampa ka yewal onishwaltitanik.
44 Yok nehnemiya Yehshwa kintakichiliyaya nitanawatilisteDyos pa in tyopalmeYudiyo' pa tal Galileya.