Yuhanes takwateki ka myak takam pa se tal kaha tawak
(Mt. 3:1-12; Mk. 1:1-8; Yh. 1:19-28)
3
Katka in shiwit 15 yewal tatakewaya ipa se tal Roma in weTanotsal Kaysara Tiberyo,
Wan Pontyus Pilatos yewal katka wetatakewan pa in tal Yudaya,
kwah Herodes reynarowaya pa in tal Galileya,
wan ninohni Pilipos reynarowaya pa in tal Itureya wan Trakonitis,
wan Lisanyas reynarowaya pa in tal Abilene.
Lucas 3.1-4.13
2 Hanás wan Kaypas katkaloya TotatsimWehwe.
Pa inik tonatim Dyos okitakichil Yuhanes,
nikon SakarYah pa se tal kaha tawak;
3 wan Yuhanes kwakin opanoti pa in tal amo wEhka katka Yordán,
kinmiliyaya masewalme pa yeloskya takwatekilme,
pa kichiwaloskya ten kwal pa kineshtiske kampa kikweptikat ininta’ilnamikiliste wan kineshtitikat kampa kikweptikat ininyolme ka Dyos ka inintachiwaliste kwahkwalme,
yok yeloskya ta'ihnililme ininta'ihtakoliste.
4 Yok kina kikwihkwilo YeshaYah in niTaketsal nitahtolDyos:
Mokaki tsatsiliste ompa pa se tal kaha tawak:
“Shikchiwak ni'otim pa ininyoliliste masewalme pa kimani walas TATS;
Shikchiwak anmoyolme kwal,
ankikishtitikat yewal mochi ta'ihtakotik.
Shihmelawak anmoyolme kina kimehmelawaloskya ni'ot se we.
Yok shiyaptiyak melawak kina monek.
5 Mochi kaha taposo ma yek ishtawak tatemiltilil,
mochi tepetLom wan talTepet momehmelawaske,
inik otim kohkoltik yeske mehmelawak,
inik otim chichakwashtik yeske otim tsehtsepestik;
6 moshte in masewalme kitaske in takishtiliste ka toyololiste yewal Dyos kiwaltitanis.”
7 Hyero myak masewalme walaloya ka Yuhanes pa kinkwatekiskya,
yewal kinmiliyaya:
―Anmehwante masewalme amo taneltokal pa Dyos kat kina ininpilwam kowan!
Ak anmichili anmehwante kampa kwal mokishtiliske ka in takokoliste hyero yewal amo wehkawas?
8 Shikchiwak ten kwal pa ankineshtiske kampa ankikweptikat anmota’ilnamikiliste wan ankineshtitikat kampa ankikweptikat anmoyolme ka Dyos ka anmotachiwaliste kwahkwalme wan amo shikitok ika anmehwante:
“Tehwante nikolinchim AbRaham”;
kampa melak annimichilis niyok in tetelme Dyos kwal ankinchiwas nikolinchim AbRaham.
9 Kampa in acha onka ika in kwawim pa kikotonas ninelwa,
mochi kwawit amo kimat taki kwal mokotoni wan kitasal pa teshoshte.
10 Kwakin masewalme kitahtanililoya:
―Ten monek tikchiwaske?
11 Wan Yuhanes kinnankili:
―Yewal aki kipi ome shashalme,
ma kimak se yewal amo kipi;
wan aki kipi takwal,
ma kimak yewal amo kipi.
12 Niyok sek tahtaniloya miyak tapishkalisteTomib asik pa yeloskya takwatikilme wan kitahtanilik Yuhanes:
―Tamashtini,
ten monek tikchiwaske tehwante?
13 Yuhanes kinmili:
―Amo miyak shitahtantiyak tapishkalisteTomi han kishki han motashta.
14 Sek gwacho' niyok kitahtanilik:
―Wan tehwante,
ten monek pa tikchiwaske?
Wan Yuhanes kinmili:
―Amo shikinkishtilik amoten amo'ak ka chikawaliste,
amo shikinchikawaltik masewalme ta amo tawikilil;
amo shikinkwamanak yehwante amoten kichiwak wan kwal shitamatitiyak kishki kitanil.
15 Moshte masewalme kichiyaloya Kristo,
wan kinekiloya kimatiloskya ta Yuhanes yewal yeskya in Kristo;
16 Yuhanes kinmili moshte:
―Newal,
annimishkwatekis ka at;
ma yok wal se takwitapit ka newal yewal kipi miyak chikawaliste amoyok kina newal,
yewal newal amo nimonots pa nimopachos niktomilis nikorreya niwarach,
in anmishkwatekis ka in EspirituSanto wan ka teshoshte.
17 Kipi pa nimahwa in pala,
pa kiyehyekalti in trigo pa kikishtilis nitasol.
Ki'ahkokis in trigo pa chahpil,
wan kichichinos tasol pa se teshoshte yewal amo'ik sewis.
18 Yok kina in wan yok ka oksek myak taketsaliste,
Yuhanes kinmashtiyaya tamashtilisteKwal ka masewalme.
19 Niyok Yuhanes ki'ahwa in wetatakewan Herodes kampa kipiyaya kina isiwa Herodyas,
yewal katka nisiwa ninohni Pilipos,
wan niyok pa mochi in amokwal yewal kichiwaya;
20 kampa Herodes,
ka mochi nitachiwaliste amokwal,
okichi oksek tachiwaliste amokwal:
otatake pa kitsakwaloskya Yuhanes.
Yuhanes kikwateki Yehshwa
(Mt. 3:13-17; Mk. 1:9-11)
21 Pa se tonat moshte pa in pweblo katkaloya takwatekilme,
niyok Yehshwa katka takwatekil;
kwah Yehshwa tahtowaya inak Dyos,
in ilwikak motap
22 wan in EspirituSanto temotiwalaya kina se wilot wan omokets ipa yewal,
wan mokak Dyos nitahtol pa in takpakIlwikak kiliyaya:
―Tewal nokon niktasot;
wan nikpi miyak pakiliste pa tewal.
Niwichalme Yehshwa
(Mt. 1:1-17)
23 Wan Yehshwa kipiyaya 30 shiwim kimani okipewalti nitaketsaliste Dyos,
yok kitoloya,
oye nikon Yosé,
yewal Yosé oye nikon Elí,
24 Elí oye nikon Matat,
Matat oye nikon Lewí,
Lewí oye nikon Melki,
Melki oye nikon Yanay,
Yanay oye nikon Yosé,
25 Yosé oye nikon MatatíYah,
MatatíYah oye nikon Amós,
Amós oye nikon Nahúm,
Nahúm oye nikon Heslí,
Heslí oye nikon Nagay,
26 Nagay oye nikon Máhat,
Máhat oye nikon MatatíYah,
MatatíYah oye nikon Shímehi,
Shímehi oye nikon Yosek,
Yosek oye nikon Yodá,
27 Yodá oye nikon YoHanan,
YoHanan oye nikon Resa,
Resa oye nikon Serobabel,
Serobabel oye nikon ShaltiEl,
ShaltiEl oye nikon Neri,
28 Neri oye nikon Melki,
Melki oye nikon Adí,
Adí oye nikon Kosam,
Kosam oye nikon ElMadam,
ElMadam oye nikon Er,
29 Er oye nikon YehoShu'a,
YehoShu'a oye nikon EliÉser,
EliÉser oye nikon Yorin,
Yorin oye nikon Matat,
Matat oye nikon Lewí,
30 Lewí oye nikon Shime'ón,
Shime'ón oye nikon Yehudá,
Yehudá oye nikon Yosé,
Yosé oye nikon Yonam,
Yonam oye nikon ElYakim,
31 ElYakim oye nikon Mele'á,
Mele'á oye nikon Mená,
Mená oye nikon Matata,
Matata oye nikon Natán,
32 Natán oye nikon Dawid,
Dawid oye nikon Yesé,
Yesé oye nikon Obed,
Obed oye nikon Bo'as,
Bo'as oye nikon Salmón,
Salmón oye nikon Nahashón,
33 Nahashón oye nikon AmiNadab,
AmiNadab oye nikon Aram,
Aram oye nikon Hesron,
Hesron oye nikon Perets,
Perets oye nikon Yehudá,
34 Yehudá oye nikon Yakob,
Yakob oye nikon Itsak,
Itsak oye nikon AbRaham,
AbRaham oye nikon Téra,
Téra oye nikon Nahor,
35 Nahor oye nikon Serug,
Serug oye nikon Rehu,
Rehu oye nikon Peleg,
Peleg oye nikon Éber,
Éber oye nikon Shelá,
36 Shelá oye nikon Kaynán,
Kaynán oye nikon Arpashad,
Arpashad oye nikon Shem,
Shem oye nikon No'á,
No'á oye nikon Lamek,
37 Lamek oye nikon Metushala,
Metushala oye nikon Henok,
Henok oye nikon Yared,
Yared oye nikon MahalalEl,
MahalalEl oye nikon Kaynán,
38 Kaynán oye nikon Enósh,
Enósh oye nikon Shet,
Shet oye nikon Adán,
yewal okichi Dyos.