Nitakatiliste Yehshwa
(Mt. 1:18-25)
2
Pa inik tonatim in wetatakewan Awgustus Kaysar otatake pa kichiwaloskya se tapowaliste pa moshte masewalme pa mochi kishki tal.
Lucas 2.1-20
2 In tapowaliste oye in ta'ishpa kwah Kirino katka wetatakewan pa Sirya.
3 Kampa moshte monekiloya yaloskya pa ininpweblo pa mokwihkwiloloskya.
4 Kina Yosé katka nikolinche Dawid wan mochantiyaya pa Nasaret,
yewal Wepweblo katka in tal Galileya,
wan opanoti pa BetLéhem,
pa niWepweblo Dawid kaha otakat,
yewal katka pa Yudaya.
5 Pa mokwihkwiloskya,
inak Marya,
nisiwa,
kampa yewal ostitikatka tomawak katka.
6 Kwah katkaloya pa BetLéhem ompa,
omo'ashilti in tonat pa kitakatiltiskya nikon.
7 Wan ompa okipi nikon okipewalti takatiliste ta'ishpa,
wan kilyaro ka shashal,
okitek pa se kano,
kaha kintamakal yolikilme kampa amo katka kaha wel mokawaloskya yehwante pa in kalme.
Nitanawatilanhelme wan inik takwitawilme borrego'
8 Amo wEhka pa BetLéhem katkaloya sek takam takwitawilme borrego' panoloya in yowal pa in tashosholtik kinkwitaptikatkaloya ininborrego'.
9 Wan se NitanawatilanhelTATS omoneshti,
wan nitawiliste in TATS kinyawalowaya nitapitaniliste ka yehwante;
wan hyero momaptik.
10 In Nitanawatilanhel kinmili:
―Amo shimomaptik,
kampa annimishwalikilitiwal se tanawatiliste kwal,
yewal yes pa mochi pweblo ka miyak pakiliste:
11 ashka,
pa in Wepweblo Dawid,
otakat se yewal tishkishtis pa tota'ihtakoliste,
yewal Kristo in TATS.
12 Yok ki'ishmatiske ka in taneshtiliste,
in piltonte lyarotiya ka shashal,
wan wistotiya pa se kano kaha kintamakal yolikilme.
13 Hani omoneshti inak in Nitanawatilanhel,
se tanichikol ka nitanawatilanhelme pa in ilwikak,
kililoya tahtolme wehwe Dyos wan kitoloya:
14 Nitawiliste in Dyos pa in takpakIlwikak,
ma yolik ka sewiliste pa in tal moshte nahyehwante kipakiltil Dyos!
15 Kwah inik nitanawatilanhelme mokwepak pa ilwikak,
inik takwitawilme borrego' mo'ilik sek ka oksek:
―Ma tiyak,
pa BetLéhem,
wan tiyaske tikitaske ten motachi,
wan yewal in TATS ten tishnishtili.
16 Yok oyak ka isewiliste wan okitak Marya wan Yosé,
wan in piltonte wistotikatka pa kano kaha kintamakal in yolikilme.
17 Kwah kitak in piltonte,
taketsak kina kinmilik ika yewal,
18 moshte kishki takaktikatkaloya motapololtiloya kina taketsaloya in takwitawilme borrego'.
19 Marya mochi mokawiliyaya pa niyol,
wan hanse ki'ilnamiktiya.
20 In takwitawilme borrego',
walmokwepak ka tawiliste wan ka tahtolme wehwe pa Dyos pa mochi yewal ten kitaloya wan kikakiloya,
kampa mochi opan kina kinmililoya.
Kinishtik Yehshwa pa in tyopWe
21 Kimani monamikik chikweyi tonatim kampa in piltonte kipiyaskya takotonili nikwerit kaha mashishal,
wan okitokayoltik Yehshwa,
yewal kitokayoltiyaya in Nitanawatilanhel ka in itokaliste kwah Marya ayamo'ok ta'ostiyaya ta'apawaya.
Lucas 2.21-52
22 Kimani mo'asik in tonatim in yewal yok kina kito NitanawatilMoshé,
yehwante yeloskya chihchipak okiwikak in piltonte pa Yerushalém pa kineshtiloskya ka in TATS.
23 Yok ki'ashiltiloskya kina onka takwihkwilol ka nitanawatilTATS:a
“Moshte in siwan kishki kinpiyaske ta'ishpa ininpilwaTakam in kintemakaske pa TATS.”
24 Oyak temakak,
yok kina kito nitanawatilTATS:
yewal tahtani ome poporishim hanwel ome wilom.
25 Pa Yerushalém mochantiyaya se takat han kwal kimatitiya kikaktiya nitahtoliste Dyos itoka Shime'ón.
In takat mochistikatka pa kimani asiskya Dyos pa temakas takishtiliste ka niyoliliste pa Isra'El.
In EspirituSanto katka ipa yewal,
26 wan kili amo timikis ma yok tikitas niKristo in TATS.
27 Shime'ón melahka tawikal,
ka in Espiritu pa in tyopWe;
kimani nitahwan in piltonte Yehshwa okiwikak pa in tyopWe pa motamiloskya kina kitowaya nitanawatil nitahtolmeMoshé,
28 Shime'ón okinapal in piltonte wan okimashti Dyos,
ka in tahtolme:
29 Ashka,
in Tats wetatake pa mochiten,
shihmak motikipanol ma mik ka sewiliste,
kina tiktenewil.
30 Kampa noshtololwa okinmit in motakishtiliste ka niyoliliste
31 yewal tikchi pa tikitaske moshte inik pweblo'.
32 Dyos yes kina se tawiliste yewal kintawilis in masewalme amo yudiyo',
wan yes nitawiliste pa mopweblo Isra'El.
33 Wan nitats wan ninantsi Yehshwa mokawak mo'itatikat ipa ten kitoloya pa yewal.
34 Kwakin Shime'ón okinmashti,
wan kili Marya ninantsi Yehshwa:
―Shikit,
in piltonte kichiwas kampa myak masewalme pa Isra'El wetsiske wan moketsaske.
Yewal yes taneshtiliste kampa myak amo kinekiske,
35 yok momatis in ten melawak ten tamatil sesen.
Wan tewal Marya mishkokoltis kina ta ka se teposte mishtsopiniloskya pa moyol.
36 Niyok ompa katka Hana,
nikonSiwat Fanuel,
ka in tanichikol Asher.
Hana katka se siwat in niTaketsal nitahtolDyos katka abwel.
Wan omonamikti tipichi,
wan omochantiti inak nitaka pa chikome shiwim,
37 wan ashka katka se siwat mihki nitaka ka 84 shiwim.
Amo'ik kisaya pa in tyopWe,
kampa yok kitikipanoliya pa tahka wan pa tayo in Tats,
mosaptiyas wan kitahtoltiyaya Dyos.
38 Pa haniman omoneshti Hana,
wan temak tashtawaliste pa Dyos wan takets ka in piltonte pa moshte kishki kichishtikatkaloya nitamakawaliste Yerushalém.
Nikwepaliste pa Nasaret
39 Kwah tamik kichiwak mochi kina kito nitakwihkwilol in TATS,
mokwepak pa ininpweblo Nasaret,
yewal katka tal Galileya.
40 Wan in piltonte mo'apapti wan mochiwaya ka miyak chikawaliste,
kipiyaya miyak tamatiliste wan Dyos kipi pakiliste ka ta'ihniliste ipa yewal.
In piltonte Yehshwa okitak pa in tyopWe
41 Nitahwan Yehshwa yaloya mochi inik shiwim pa Yerushalém pa in mitotiliste Paskwa.
42 Wan yok kina kimatiloya kichiwaloya kwah Yehshwa kipiyaya 12 shiwim,
yehwante oyak pa Yerushalém pa in mitotiliste Paskwa.
43 Kimani otam in mitotiliste Paskwa,
mokwepak in icha,
in piltonte Yehshwa moka pa Yerushalém,
amo kimatik nitahwan.
44 Yehwante tamatiloya kampa Yehshwa yawiya itsala masewalme,
kichiwak se tonat pa ot;
kimani kitemoloya ka niparyente wan kishki ki'ishmatiloya,
45 amo kitak.
Kwakin mokwepak pa Yerushalém pa kitemoloskya ompa.
46 Pa yey tonatim okitak pa in tyopWe,
yowatikatka ika in Tamashtinilme NitanawatilMoshé,
kinkaktikatka wan kintahtanilitikatka.
47 Wan moshte kishki kikaktikatkaloya motapololtiloya kina miyak kimatiya wan niyok kina tanankiliya.
48 Kwah nitahwan kitak,
motapololtik;
wan ninantsi kili:
―Nokon newal,
pates yok otishchiwil in?
Motats wan newal timishtemotinemil kampa hyero titamatiloya.
49 Yehshwa kinnankili:
―Pates nishtemotikatkaloya?
Amo ankimatiloya kampa newal niyes kampa nikal noTats?
50 Yehwante amo kimatik kikakik ten kinmili.