In WeTatsDyos kinots Moshé
3
Se tonat Moshé kinkwitaptikatkaya niborrego' Yetró,a
nimontats,
yewal katka totats pa in tal Midyán,
okinwik niborrego' pa analko ompa kaha amo'ak mochantiyaya wan o'as pa Horeb,
pa in talTepet kaha ones Dyos.
2 Ompa nitakwitawilanhel in WeTatsDyos omoneshti pa se kwawitWiste tatatitikatkaya.
Moshé okit kampa in kwawitWiste amo mochichinowaya,
3 kwakin tamat:
“Ten aso yewal!
Niyas nikitas pates amo mochichinotik in kwawitWiste.”
4 Kimani WeTatsDyos okit Moshé kampa mo'asiltitiyaya pa kitaskya kwal,
okinots pa in kwawitWiste:
―Moshé,
Moshé!
Moshé kito:
―Nika ni'onka.
5 Dyos kili:
―Amo shimo'asilti wan shikinkisti mowarachim kampa in tal yewal tikteliktsatik tatasot.
6 Newal niDyos motats,
niDyos AbRaham,
niDyos Itsak wan niDyos Yakob.
―Kampa nikinmit kina moyokoltitikat nomasewalme isra'elita' pa Egipto,
kampa hyero kintekipanoltitikat wan onikinkak ininchokaliste kampa nishtahtaniloya tapalewiste wan nihmat kina tamatitikat.
8 Yok yewal ashka onitem pa nikinpalewis nomasewalme ka inik egiptiyo' wan nikinkistis pa in tal Egipto pa nikinwikas pa se tal kwal wan patawak,
in tal kaha timak miyak lech wan nekti.
Nihnek nikitos pa inintal inik kananeyo',
heteteko',
amoreteko',
peresheyo',
heweteko' wan yebuseyo'.
9 Kampa nikinkak ininyolkokoliste inik isra'elita' wan niyok nikit kina hyero kintakokoltil kintekipanoltil inik egiptiyo'.
10 Yok tewal tiyas ompa kampa nimishtitanis pa i'ishpa para'ó pa tikinkistis pa Egipto inik isra'elita',
yewal nomasewalme.
11 Ma yok Moshé kili Dyos:
―Ak ninewal pa nimoneshtis ni'ishpa para'ó wan nikinkisti pa Egipto inik isra'elita'?
12 Dyos kinankili:
―Shi,
kampa newal niyes monawak.
Ina yes taneshtiliste kampa newal nimishtitantik:
Kimani tikinkistis pa Egipto nomasewalme,
moshte anmehwante anwalaske nishtahtoltiske pa in tepetLom.
13 Moshé kili Dyos:
―Wan ta newal oni ka inik isra'elita' wan nikinmilis:
‘NiDyos anmowichalme onishwaltitan ka anmehwante.’
Ten nikinnankilis ta nishtahtanilil:
“Wan kina itok?”
14 Dyos kili Moshé:
―NINEWAL IN YEWAL NINEWAL.
Shikinmil in nomasewalme isra'elita':
“NINEWAL nishwaltitan ka anmehwante.”
15 Niyok,
Dyos kili Moshé:
―Shikinmil inik isra'elita':
“In WeTatsDyos,
niDyos anmowichalme,
niDyos AbRaham,
Itsak wan Yakob,
onishwaltitan ka anmehwante.”
Ina yewal no'itokaliste amo'ik tami,
ka yewal itokaliste niyes ta'ilnamikiliste pa hanse.
16 Shi wan shikinnots pa monichikoske in Abwelolme Wehwetsim pa Isra'El wan shikinmil:
“In WeTatsDyos,
NiDyos anmowichalme,
niDyos AbRaham,
niDyos Itsak wan Yakob,
omoneshti ka newal wan nichili:
‘Newal annimishkwitaptik anmehwante wan annimichit kina anmishkokoltil pa Egipto.
17 Kampa nikito pa annimishkistis ka anmoyolkokoliste pa Egipto wan annimishwikas pa inintal kananeyo',
heteteko',
amoreteko',
peresheyo',
heweteko' wan yebuseyo'.
In se tal kampa onka miyak lech wan nekti!’”
18 Inik Abwelolme Wehwetsim pa Isra'El mishneltokaske.
Kwakin yehwante wan tewal anyaske i'ishpa in rey pa Egipto wan ankiliske:
“In WeTatsDyos,
niDyos inik hebreteko',
owal otishpashal.
Shitishka pa tiyaske pa yey tonatim pa se tal kaha amo'ak mochantiyaya pa tiktenewiliske tatamakal in WeTatsDyos toDyos.”
19 Newal nihmat kwal kampa in rey pa Egipto amo anmishmakawas pa anyaske,
hanwel ka chikawaliste.
20 Kwakin nihneshti nochikawaliste wan nikinkokoltis inik egiptiyo',
nikchiwas pa nesiske tachiwaliste pa in tal ka inik motapololtiske kwakin in para'ó anmishmakawas pa anyaske.
21 Nikchiwas pa nimasewalme Egipto pa kwal kinihnililoskya inik isra'elita'.
Inik egiptiyo' kinmakaske myak temakaliste momasewalme pa kimani ya yaske.
22 Pa sesen siwam isra'elita' kintahtaniske ninihniwan pa okse kal wan ta onka okse siwat yewal mochanti pa ni'icha,
kintahtaniske in tachiwalme ka oro wan plata wan shashalme ka motakemiltiske ininpilwamTakam wan ininpilwamSiwam.
Yok ankinkishtiliske mochiten anmehwante inik egiptiyo'.