Ipewaliste
Dyos okichi mochiten
1
1 Kimani okinpewalti mochiten,
Dyos,
okichi takpakIlwikak wan tal.
2 Wan tal amo kipiyaya tachiwaliste wan amoten kipiyaya,
wan atim wehwekatim kitapachowaya se tatikomat,
wan ni'EspirituDyos moliniya ipa atim,
ipa wehwe'atim pa kishki we.
Génesis 1.1-2.3
3 Wan Dyos kito:
“Ma ye tawiliste!”
Wan ye tawiliste.
4 Wan Dyos okit kina kwal katka tawiliste
wan kiseseman ka tayowaliste.
5 Dyos okitokayolti tawiliste “tahka”,
wan tayowaliste,
“tayo”.
Wan yok o'as se tyotak,
wan yok o'as se watsinko:
ka se tonat.
 
6 Wan Dyos kito:
“Ma ye se tatsakwaliste
ipanta atim,
pa yok mosesemanaske atim ka atim!”
7 Okichi Dyos tatsakwaliste
wan kiseseman atim yewal katka itsinta,
tatsakwaliste ka atim wan katkaloya ipa tatsakwaliste wan yok omotachi.
8 Wan Dyos kitokayolti tatsakwaliste “ilwikak”.
Wan yok o'as se tyotak,
wan yok o'as se watsinko:
ka ome tonatim.
 
9 Wan Dyos kito:
“In atim inik kat itsinta tatsakwaliste ilwikak
ma monichikok,
ma moneshte tal wak!”
Yok omotachi.
10 Wan Dyos yok okitokayolti wak “tal”,
wan inik atim monichikok okitokayolti “wehwe'atim”.
Wan yok kina kwal okit Dyos.
11 Kwakin Dyos kito:
“Ma ye mochiten pa tal;
ma motashosholti ka tashosholtik ma kipiyak nishinashte,
wan kwawim temakal taki,
yok kina sesen nesil!”
Wan yok omotachi.
12 Okitakatilti tal tashosholtik:
ka shosholtik ka nishinashte,
inik kwawim ka nitakilme ka nishinashte,
kina takil sesen.
Wan Dyos kina kwal okit.
13 Wan yok o'as se tyotak,
wan yok o'as se watsinko:
ka yey tonatim.
 
14 Wan Dyos kito:
“Ma yek tawiliste ka tatsakwaliste pa takpakIlwikak
yok mosesemanaske tahka ka tayo;
ma ye kina taneshtiliste pa kimatiske kimani tonalko wan shopanta,
pa tonatim wan shiwim,
15 ma tipitakak pa tatsakwaliste ka takpakIlwikak
pa tawiske pa mochital!”
Kwakin yok omotachi.
16 Okichi Dyos ome tawiliste:
wehwe tawiliste tatake tahka,
wan amoyok we tawiliste tatake tayo.
Wan niyok okinchi sitalme.
17 Okintal Dyos pa takpakIlwikak
tawiliste pa tanesiskya pa mochital.
18 Okinchi pa tatakewaske pa tahka wan tayo,
yok kinseseman tawiliste ka tayowaliste.
Dyos okit kina kwal katka.
19 Wan yok o'as se tyotak,
wan yok o'as se watsinko:
ka in nawi tonatim.
 
20 Wan Dyos kito:
“Ma mochiwak pa atim myak yolikilme,
wan totom patanilme ipa tal
pa tatsakwaliste takpakIlwikak!”
21 Kwakin okinchi Dyos yolikilme wehwe pa atim,
wan moshte inik yolikilme
yehwante molinilme pa atim
wan niyok okinchi yehwante kishki kinpiyal ininnastakapalme,
kina sesen.
Wan yok kina kwal okit Dyos,
22 wan Dyos kinmashti kitowaya:
“Shimomiyaptik;
wan shikintemiltik atim ka wehwe'atim.
Ma momiyaptik totom pa mochital!”
23 Wan yok o'as se tyotak,
wan yok o'as se watsinko:
ka makwil tonatim.
 
24 Wan Dyos kito:
“Ma takatik pa mochital yolikilme kina sesen nesil:
tekwanim mochantil pa kwawim,
yolikilme kintikipanol takam,
wan kowam,
kina sesen nesil!”
Wan yok omotachi.
25 Dyos okinchi tekwanim mochantilme pa kwawim,
wan yolikilme kitikipanol takam,
wan yolikilme mowilanal pa tal,
kina sesen nesil.
Wan yok kwal okit Dyos,
26 wan Dyos kito:
“Ma tikchiwak se masewal
kina tehwante.
Ma kipiyas chikawaliste ipa we'at pa michim,
wan ipa totom patanilme takpakIlwikak;
ipa yolikilme kitikipanol takam,
wan tekwanim mochantilme pa kwawim,
wan ipa yolikilme
yehwante mowilanal ipa tal.”
27 Kwakin okichi se masewal kina nes;
okichi kina Dyos.
Takat wan siwat okinchi,
28 kinmashti Dyos wan kinmili:
“Shikintakatiltik wan shimomiyaptik;
shiktemiltik mochital wan shitatakewak;
shikinmansotik michim pa we'at wan totom patanilme takpakIlwikak,
wan mochiten yewal mowilanal ipa tal.”
29 Wan Dyos kinmili:
“Annimishmak yewal onka ipa tal
shosholtik temakal nishinashte
mochi kwawim temakal takilme wan temakal shinashte;
mochiten ina kwal ankikwaske.
30 Wan mochi tekwanim pa mochital,
wan mochi patanilme pa takpakIlwikak,
wan mochi mowilanalme pa tal,
mochi kishki kipiyal yoliliste,
mochi shosholtik nikinmak pa kipiyaske pa kikwaske.”
Wan yok omotachi.
31 Kwah Dyos okit mochiten yewal okichi,
wan kwal katka.
Wan yok o'as se tyotak,
wan yok o'as se watsinko:
ka chikwase tonatim.