2 Ḻi weꞌḻ-lallꞌ weꞌḻwill-le Chiozaꞌ, naꞌ ḻi se kwas weꞌḻwill-leneꞌ naꞌ weꞌleneꞌ yeḻꞌ chox̱ken.

3 Naꞌ katꞌ weꞌḻwill-leneꞌ, iṉabgachileꞌneꞌ gakleneꞌ netoꞌ kwenc̱he wsaljcheꞌ xṉezntoꞌ lljeꞌchntoꞌ xtillꞌ Crístonaꞌ daa kono wṉezi kanaꞌ, ḻaꞌ ni c̱heyinnanꞌ diaꞌ lillyani.

4 Ḻi iṉabi Chiozaꞌ gakleneꞌ nadꞌ kwenc̱he gak wiꞌa dillꞌ kwasḻoḻ, ka chiyaḻꞌ wiꞌan.

5 Ḻi wsakꞌ ḻi gon wen ladj beṉꞌkaꞌ bi nombiaꞌ Crístonaꞌ, ḻaꞌ ṉaayeṉꞌnan de latj wliꞌle non nakle txen.

6 Dillꞌkaꞌ choeꞌle chiyaḻꞌ gakan sia mbalaz toshiizi, naꞌ ḻekzkaꞌ gak yilliile xochi xtillꞌ beṉꞌ katꞌ no bi iṉabi leꞌ.

7 Beṉꞌ bishꞌcho Tíquiconi, beeni ḻe chakicho, weꞌleneꞌ leꞌ dillꞌ ka nak yogꞌḻoḻ diikaꞌ chak c̱haꞌ. Ḻenꞌ do yic̱hj do lallee chonleneꞌ nadꞌ xshin X̱ancho Crístonaꞌ.

8 Daan, chseḻaaneꞌ laolenaꞌ kwenc̱he wiꞌe dillꞌ nakan chak c̱hentoꞌ naꞌ wtipeꞌ lallꞌle.

9 Naꞌ ḻekzkaꞌ beṉꞌ wlall c̱hele Onésimoni zizaꞌleneꞌneꞌ, beeni ḻe chakintoꞌ naꞌ nakeꞌ dowalj bishꞌ ljwellcho. Ḻegakeꞌ weꞌgakeꞌ dillꞌ c̱he yogꞌḻoḻ daa chak c̱haꞌ ni.

10 Aristárconi, beeni nakꞌ txen dentoꞌ lillyani, chwapeꞌ leꞌ chiox; naꞌ ḻekzkaꞌ Márconaꞌ, beṉꞌ bishꞌ Bernabénaꞌ. Ba wniakzꞌ leꞌ shi yidwia Márconaꞌ leꞌ, ḻi gonshaileꞌ wen.

11 Kaꞌkzə Jesúzi, beeni cheꞌgakeꞌ Justo, chwapeꞌ leꞌ chiox. Ladj yogꞌ beṉꞌ Israelkaꞌ nonḻilallꞌ Crístonaꞌ, beṉꞌkichgan chaklengakeꞌ nadꞌ chonntoꞌ xshin Chiozaꞌ, naꞌ ḻe ba btipgakeꞌ lallaa.

12 Beṉꞌ wlall c̱hele, Epáfrazi, ḻekzkaꞌ chwapeꞌ leꞌ chiox. Nakeꞌ to beṉꞌ chon xshin Crístonaꞌ, naꞌ toshiizi choeꞌḻwilleꞌ Chiozaꞌ ni c̱hele kwenc̱he gakchale lo xṉezeꞌnaꞌ, naꞌ soac̱hec̱hle weꞌḻ-lallꞌle gonle ka cheeni Chiozaꞌ.

13 Ṉezidꞌ ka wṉeyi nlleb zieꞌ c̱hele naꞌ c̱he beṉꞌkaꞌ lleꞌ yell Laodicéanaꞌ naꞌ yell Hierápolizaꞌ.

14 Lúcazi, beeni chon rmech, beeni ḻe chakidꞌ, chwapeꞌ leꞌ chiox, naꞌ ḻekzkaꞌ Démazi.

15 Ḻi wwap chiox bishꞌ ljwellchokaꞌ lleꞌ yell Laodicéanaꞌ, naꞌ ḻekzkaꞌ Nínfanaꞌ naꞌ beṉꞌkaꞌ chdop chllag lilleꞌnaꞌ choeꞌlaꞌogakeꞌ Crístonaꞌ.

16 Ka yiyoll wlable yishi bzejꞌ, ḻi wseḻaan lao beṉꞌkaꞌ nonḻilallꞌ Crístonaꞌ yell Laodicéanaꞌ kwenc̱he ḻekzkaꞌ lengakeꞌ wlabgakeꞌn, naꞌ ḻegakeꞌ goṉgakeꞌ leꞌ yishaꞌ daa bseḻaa laweꞌkaꞌ kwenc̱he wlablen.

17 Ḻi yeꞌ Arquíponaꞌ goneꞌ to dii byen goneꞌ kwasḻoḻ daa ba non Chiozaꞌ lallꞌ nee goneꞌ.

18 Nadꞌ, Pablo, kwinꞌ chzejꞌ^a gani chwapꞌ leꞌ chiox. Ḻi lljadini lillyan diaꞌ. Chiozaꞌ gaklenshgueꞌ leꞌ.