Salmo 137
1 Shlak wzoantoꞌ ganaꞌ mbani Babilónianaꞌ
chbeꞌntoꞌ choꞌa yaokaꞌ chbellntoꞌ
daa chjadinintoꞌ yell Jerusalénnaꞌ.
2 Naꞌ bich wnan wsillntoꞌ diikaꞌ lliaꞌ kwerd c̱heyin,
san bwaḻꞌntoꞌn lo yagdoꞌkaꞌ zoa yellaꞌ.
3 Naꞌ beṉꞌkaꞌ bc̱heꞌ netoꞌ lalleꞌkaꞌ,
beṉꞌkaꞌ bsakꞌziꞌ netoꞌ,
wṉabgakileꞌ netoꞌ goḻntoꞌ,
nagakeꞌ:
“Ḻi goḻto ka diikaꞌ choḻ-le yell Jerusalénnaꞌ.”
4 Per bi gak goḻcho diikaꞌ choeꞌlaꞌolencho X̱ancho Chiozaꞌ yell zitii.
5 Shi illin to lla gaḻ-lallaa liꞌ,
Jerusalén,
guetshga naꞌ de shḻini.
6 Yidaꞌshga ḻollaani ḻoo lc̱hic̱hjii
shi bich lljadinidꞌ liꞌ,
shi bich koo yic̱hjzꞌ liꞌ,
Jerusalén,
liꞌ chonoꞌ ka chiba chizakidꞌ.
7 Chios c̱haꞌ,
jadini ka ben beṉꞌ Edomkaꞌ,
kanaꞌ wlliayiꞌ yell Jerusalénnaꞌ,
besyaagakeꞌ wnagakeꞌ:
“¡Ḻi wlliayiꞌtegan!
¡Ḻi wlliayiꞌtegan ax̱t yilenten!”
8 Liꞌ,
yell Babilonia,
ba nakten kwiayoo.
¡Chakomba beenaꞌ yiziꞌe wzon c̱hoꞌ
ni c̱heyi daa beniloꞌ netoꞌ!
9 ¡Chakomba beenaꞌ gox̱ee xiiṉoꞌkaꞌ
naꞌ c̱hineꞌ ḻegakbꞌ ḻee yajkaꞌ!