Salmo 101
1 Goḻ iṉiaꞌ liꞌ,
Chios c̱haꞌ,
wiꞌa dillꞌ daa nakoꞌ beṉꞌ chiyeshꞌlallii
naꞌ beṉꞌ chon daa nak shḻi.
2 Naꞌ gonꞌ to dii byen gonꞌ daa nak shḻi
katꞌ wliiloꞌ nadꞌ yeḻꞌ wak c̱hoꞌnaꞌ.
Naꞌ do yic̱hj do lallaa wsaꞌ c̱haꞌ wen ḻoo yoo lillaꞌni.
3 Naꞌ bi gonꞌ txen daa bi yejniꞌalallii.
Chwiidꞌ diikaꞌ chon beṉꞌkaꞌ chiḻaalaoꞌ xṉezoꞌnaꞌ,
naꞌ ni to daa chongakeꞌ bi gonꞌ txen.
4 Bi wiꞌa latj x̱iṉj iḻen yic̱hjlallꞌdawaani,
naꞌ bi wiꞌa latj c̱he dii malaꞌ lo yeḻꞌ mban c̱haꞌni.
5 Naꞌ wlliayaa beenaꞌ do ngashꞌzə chyilj chzaneꞌ c̱he bishꞌ ljwelleꞌnaꞌ,
ni bi gapꞌ yeḻꞌ chxenlallꞌ c̱he beenaꞌ choni beṉꞌ nakzi naꞌ chon kwineꞌ beṉꞌ choo beṉꞌ xen.
6 Naꞌ gaklenꞌ beṉꞌkaꞌ nsaꞌ c̱heyin wen gani nak lallntoꞌ,
kwenc̱he soalengakeꞌ nadꞌ txen.
Naꞌ toz beṉꞌkaꞌ chon daa nak shḻi wzoagakee gaklengakeꞌ nadꞌ iṉabiꞌa.
7 Bat wiꞌa latj soa beṉꞌ wxiyeꞌnaꞌ ḻoo yoo lillaꞌnaꞌ.
Naꞌ ni to beṉꞌ choeꞌ dillꞌ wxiyeꞌ bi gak goneꞌ nadꞌ txen.
8 Yogꞌ lla wlliayaa yogꞌ beṉꞌ malkaꞌ lleꞌ doxen lallntoꞌni,
naꞌ wtesh wḻoagakee gani nak yell c̱he Chios.