Génesis 36

Xiiṉ dia c̱he Esaúnaꞌ

(1 Cr. 1:34-54)

Beṉꞌkin gok dia c̱he Esaúnaꞌ,

beenaꞌ ḻekzkaꞌ nsiꞌgakeꞌ Edom.

2 Esaúnaꞌ bshagnaꞌleneꞌ noolə,

beṉꞌ Canaánkaꞌ.

Toeꞌ wleꞌ Ada,

xiiṉ Elónnaꞌ beṉꞌ hetewaꞌ,

naꞌ beenaꞌ sto lieꞌ Aholibama,

xiiṉ Anánaꞌ biꞌ xsoaꞌ Zibeónaꞌ beṉꞌ hevewaꞌ,

3 naꞌch beenaꞌ leꞌ Basemat,

xiiṉ Ismaelaꞌ,

beṉꞌ zan Nebaiotaꞌ.

4 Naꞌ xiiṉ Esaúnaꞌ beenaꞌ wxan Ádanaꞌ,

wlieꞌ Elifaz;

naꞌ beenaꞌ wxan Basemataꞌ,

wlieꞌ Reuel.

5 Naꞌ Aholibámanaꞌ wxaneꞌ beṉꞌkaꞌ le Jeús,

Jaalam naꞌch Coré.

Beṉꞌkin gok xiiṉ Esaúnaꞌ,

beṉꞌkaꞌ goljə kanaꞌ wzoeꞌ Canaánnaꞌ.

6 Naꞌ bic̱heꞌ Esaúnaꞌ xiiṉ xooleꞌkaꞌ naꞌ yogꞌḻoḻ beṉꞌkaꞌ zoalen ḻeꞌ,

naꞌ ziyajgakeꞌ gan yoblə kwenc̱he yizee kwit beṉꞌ bishee Jacobaꞌ.

Naꞌ bic̱hiꞌe yogꞌḻoḻte bayix̱ꞌkaꞌ naꞌ yogꞌḻoḻ diikaꞌ wdapeꞌ Canaánnaꞌ.

7 Naꞌ bich gok zoagakeꞌ toz daa wdapgakeꞌ ba zan wal bayix̱ꞌkaꞌ naꞌ leyi yell-lionaꞌ ganaꞌ zoagakeꞌ bich chakin ta bayix̱ꞌkaꞌ gaogakb.

8 Naꞌ daan,

Esaúnaꞌ,

beenaꞌ ḻekzkaꞌ nsiꞌgakeꞌ Edom,

jsoeꞌ lo yaa yao c̱he Seíraꞌ.

9 Beṉꞌkin gok dia c̱he Esaúnaꞌ,

beenaꞌ gok x̱axṉaꞌ beṉꞌ Edomkaꞌ,

beṉꞌkaꞌ wzoa yaa yao c̱he Seíraꞌ.

10 Kin le beṉꞌkaꞌ gok xiiṉ Esaúnaꞌ:

noolə c̱heꞌnaꞌ le Ada wxaneꞌ Elifázaꞌ,

naꞌ nool c̱heꞌnaꞌ sto beenaꞌ le Basemat,

wxaneꞌ Reuelaꞌ.

11 Naꞌ xiiṉ Elifázaꞌ wlegakeꞌ Temán,

Omar,

Zefo,

Gatam naꞌ Cenaz.

12 Naꞌ Elifázaꞌ wzoaleneꞌ sto noolə yoblə,

beṉꞌ ben xshineꞌnaꞌ,

naꞌ wlieꞌ Timna.

Naꞌ wxaneꞌ to biꞌ c̱heꞌ naꞌ bsiꞌebꞌ Amalec.

Beṉꞌkin gok dia c̱he Ádanaꞌ,

xoolə Esaúnaꞌ.

13 Naꞌ xiiṉ Reuelaꞌ wlegakeꞌ Nahat,

Zera,

Sama naꞌ Miza.

Beṉꞌkin gok dia c̱he Basemataꞌ,

xoolə wchopi Esaúnaꞌ.

14 Naꞌ Aholibámanaꞌ beenaꞌ nak xiiṉ Anánaꞌ naꞌ xsoaꞌ Zibeónnaꞌ gokeꞌ sto noolə c̱he Esaúnaꞌ,

naꞌ beṉꞌkaꞌ gok xiiṉeꞌ wlegakeꞌ:

Jeús,

Jaalam naꞌch Coré.

15 Beṉꞌkin gok beṉꞌ wṉabiaꞌ lo dia c̱he Esaúnaꞌ:

Lo dia c̱he Elifázaꞌ,

beṉꞌ nech c̱he Esaúnaꞌ,

beṉꞌkaꞌ wṉabiaꞌ wlegakeꞌ Temán,

Omar,

Zefo,

Cenaz,

16 Coré,

Gatam naꞌ Amalec.

Beṉꞌkinga wṉabiaꞌ lo dia c̱he Elifázaꞌ lo yell-lio c̱he Edomaꞌ.

Yogꞌḻoḻ beṉꞌki gokgakeꞌ dia c̱he Ádanaꞌ.

17 Naꞌ xiiṉ Reuelaꞌ,

wlegakeꞌ Nahat,

Zera,

Sama naꞌ Miza.

Beṉꞌkinga gokgakeꞌ xsoa Esaúnaꞌ naꞌ wṉabiagakeꞌ lo dia c̱he Reuelaꞌ lo yell-lio c̱he Edomaꞌ.

Naꞌ gokgakeꞌ dia c̱he Basemataꞌ,

xoolə Esaúnaꞌ.

18 Naꞌ beṉꞌkaꞌ gok xiiṉ Aholibámanaꞌ,

xiiṉ Anánaꞌ,

noolaꞌ sto wzoalen Esaúnaꞌ,

beṉꞌkaꞌ wṉabiaꞌ,

wlegakeꞌ Jeús,

Jaalam,

naꞌ Coré.

19 Yogꞌḻoḻ beṉꞌki gokgakeꞌ beṉꞌ wṉabiaꞌ lo dia c̱he Esaúnaꞌ,

beenaꞌ ḻekzkaꞌ bsiꞌgakeꞌ Edom.

20 Beṉꞌkin xiiṉ Seíraꞌ,

beṉꞌ horewaꞌ,

beṉꞌkaꞌ wzoa yell-lio c̱he Edomaꞌ,

wlegakeꞌ:

Lotán,

Sobal,

Zibeón,

Aná,

21 Disón,

Ezer naꞌch Disán.

Beṉꞌkinga wṉabiaꞌgakeꞌ horeokaꞌ,

dia c̱he Seíraꞌ,

lo yell-lio c̱he Edomaꞌ.

22 Naꞌ beṉꞌkaꞌ gok xiiṉ Lotánnaꞌ wlegakeꞌ Hori naꞌ Hemam.

Naꞌ Tímnanaꞌ gokeꞌ beṉꞌ zan Lotánnaꞌ.

23 Naꞌ beṉꞌkaꞌ gok xiiṉ Sobalaꞌ wlegakeꞌ Alván,

Manahat,

Ebal,

Sefo naꞌ Onam.

24 Naꞌ beṉꞌkaꞌ gok xiiṉ Zibeónnaꞌ wlegakeꞌ Aja naꞌch Aná.

Beeni wle Aná,

ḻenꞌ bllelileꞌ to ga chal nis ganaꞌ bibi chashj chḻeb kanaꞌ chapeꞌ burr c̱he x̱eꞌnaꞌ.

25 Naꞌ beṉꞌkaꞌ gok xiiṉ Anánaꞌ wlegakeꞌ Disón,

naꞌ Aholibama.

26 Beṉꞌkaꞌ gok xiiṉ Disónnaꞌ wlegakeꞌ Hemdán,

Esbán,

Itrán naꞌch Querán.

27 Beṉꞌkaꞌ gok xiiṉ Ezeraꞌ wlegakeꞌ Bilhán,

Zaaván naꞌch Acán.

28 Beṉꞌkaꞌ gok xiiṉ Disánnaꞌ wlegake Uz naꞌ Arán.

29 Naꞌ beṉꞌkaꞌ wṉabiaꞌ horeokaꞌ wlegakeꞌ Lotán,

Sobal,

Zibeón,

Aná,

30 Disón,

Ezer naꞌch Disán.

Beṉꞌkin gok wiṉabiaꞌ c̱he horeokaꞌ.

Wṉabiaꞌgakeꞌ tkwen tkwen bishꞌ ljwellgakeꞌ.

31 Naꞌ beṉꞌkaꞌ wṉabiaꞌgakeꞌ yell-lio c̱he Edomaꞌ kanaꞌ ziꞌ soa beṉꞌkaꞌ [*]iṉabiaꞌ beṉꞌ Israelkaꞌ wlegakeꞌ ki:

32 Bela,

xiiṉ Beoraꞌ,

wṉabiꞌe Edomaꞌ,

naꞌ yell c̱heꞌnaꞌ wlen Dinaba.

33 Ka wit Bélanaꞌ naꞌ biṉabiaꞌ Jobabaꞌ,

xiiṉ Zéranaꞌ,

beṉꞌ yell Bósranaꞌ.

34 Naꞌ ka wit Jobabaꞌ naꞌ biṉabiaꞌ Husamaꞌ,

beṉꞌ yell Temánnaꞌ.

35 Naꞌ ka wit Husamaꞌ naꞌ biṉabiaꞌ Hadad,

xiiṉ Bedadaꞌ,

beenaꞌ bilagueꞌ madianitakaꞌ ganaꞌ mbani Moabaꞌ.

Naꞌ yell c̱heꞌnaꞌ wlen Avit.

36 Ka wit Hadadaꞌ naꞌ biṉabiaꞌ Sámlanaꞌ,

beṉꞌ yell Masrécanaꞌ.

37 Naꞌ ka wit Sámlanaꞌ biṉabiaꞌ Saúlaꞌ,

beṉꞌ yell Rehobotaꞌ daa llia gaozə kwit yao Éufratezaꞌ.

38 Ka wit Saúlaꞌ naꞌ biṉabiaꞌ Baal-hanánnaꞌ,

xiiṉ Acboraꞌ.

39 Naꞌ ka wit Baal-hanánnaꞌ,

xiiṉ Acboraꞌ,

naꞌ biṉabiaꞌ Hadaraꞌ lo xḻatjeꞌ.

Naꞌ yell c̱heꞌnaꞌ wlen Pau,

naꞌ wle xooleꞌnaꞌ Mehetabel,

xiiṉ to nool wleꞌ Matred,

xiiṉ Mezaabaꞌ.

40 Naꞌ ki wle beṉꞌkaꞌ wṉabiaꞌ tkwen tkwen bishꞌ ljwelleꞌkaꞌ lo dia c̱he Esaúnaꞌ kon ga wllaꞌ tkwen tkwengakeꞌ:

Timna,

Alva,

Jetet,

41 Aholibama,

Ela,

Pinón,

42 Cenaz,

Temán,

Mibzar,

43 Magdiel naꞌch Iramaꞌ.

Beṉꞌkin wṉabiaꞌ yell-lio c̱he Edomaꞌ ganaꞌ wzoa to togakeꞌ.

Naꞌ Edomaꞌkzan Esaúnaꞌ,

x̱axṉaꞌ beṉꞌ Edomkaꞌ.