Chiozaꞌ chonḻeeyeꞌ Jacobaꞌ Bet-elaꞌ
35
Chiozaꞌ golleꞌ Jacobaꞌ:
“Lla biyaj,
jazoa Bet-elaꞌ.
Naꞌ gonoꞌ to x̱oṉj ga wzeyoꞌ bayix̱ꞌdoꞌkaꞌ kwenc̱he welawoo nadꞌ,
daa bliꞌlawꞌ liꞌ kanaꞌ chxoṉjiloꞌ beṉꞌ bishoo Esaúnaꞌ.”
2 Naꞌch Jacobaꞌ chiꞌe xiiṉ xooleꞌkaꞌ naꞌ yogꞌḻoḻ beṉꞌkaꞌ lleꞌleneꞌ naꞌ:
―Ḻi yibej ladjleni yogꞌḻoḻ yaj bedoꞌkaꞌ diikaꞌ zinoaꞌle.
Ḻi goshꞌ gazjə naꞌ ḻi yishaꞌ xalaanlekaꞌ.
3 Ṉaa yiyajcho Bet-elaꞌ.
Naꞌ gonꞌ tlishꞌ x̱oṉj ga wzeyꞌ bayix̱ꞌkaꞌ,
bakaꞌ witcho kwenc̱he weꞌlawaa Chiozaꞌ.
Ḻaꞌ ḻeꞌ gokleneꞌ nadꞌ kanaꞌ wzoaꞌ nyeshꞌ,
naꞌ ḻeꞌkzeꞌ ba wzoaleneꞌ nadꞌ gattezə ga ba wyaj wdiaꞌ.
4 Naꞌ ḻegakeꞌ biyoeꞌgakeꞌ Jacobaꞌ yogꞌḻoḻ yaj bedoꞌ c̱heꞌkaꞌ diikaꞌ nongakeꞌ ka chios c̱hegakeꞌ naꞌ yogꞌḻoḻ dii nze nagueꞌkaꞌ.
Naꞌ Jacobaꞌ bkwasheen to xan yag zilljə daa zoa gaozə yell Siquemaꞌ.
5 Ka bichejgakeꞌ yellaꞌ,
Chiozaꞌ wloꞌe yogꞌḻoḻ beṉꞌ yellkaꞌ lleꞌ gaozə ganaꞌ bichejgakeꞌ yeḻꞌ chall chllebaꞌ,
naꞌ bi jaxengakeꞌ beṉꞌkaꞌ nak xiiṉ Jacobaꞌ.
6 Naꞌ Jacobaꞌ len yogꞌḻoḻ beṉꞌkaꞌ ziyajleneꞌ billingakeꞌ ganaꞌ le Luz,
naꞌ ḻekzkaꞌ len Bet-el,
naꞌ llian yell-lio c̱he Canaánnaꞌ.
7 Naꞌ beneꞌ to x̱oṉj ga bzeyeꞌ bayix̱ꞌkaꞌ chiteꞌ kwenc̱he beꞌlawee Chiozaꞌ,
naꞌ bsiꞌe latjaꞌ El-Bet-el.
a Ḻaꞌ kanaꞌ chxoṉjileꞌ beṉꞌ bisheenaꞌ Chiozaꞌ bliꞌlaweꞌneꞌ naꞌ.
8 Ḻekzkaꞌ naꞌ wit Déboranaꞌ,
noolaꞌ bisgoleꞌ Rebécanaꞌ,
naꞌ bkwashꞌgakeꞌneꞌ to xan yag zillj zoa gaozə Bet-elaꞌ.
Naꞌ Jacobaꞌ bsiꞌe latjaꞌ Alón-bacut,
naꞌ dillii zejin:
xan yag zilljə ga gok wbellaꞌ.
“Liꞌ lioꞌ Jacob;
naꞌ aga wlechoꞌ kaꞌ,
san ṉaa yilioꞌ Israel.”
“Nadꞌ nakꞌ Chios,
zeelo beṉꞌ yeḻꞌ wak choo yeḻꞌ wak xen,
naꞌ soa biꞌ zan xiiṉo naꞌ dia c̱hoꞌ.
Naꞌ dia c̱hoꞌkaꞌ yiyakgakeꞌ to yell naꞌ to x̱oṉj yell.
Naꞌ ladj dia c̱hoꞌkaꞌ ichej beṉꞌ iṉabiaꞌ.
12 Naꞌ yell-lionaꞌ daꞌ biꞌa dii Abrahamaꞌ len Isaacaꞌ
naꞌ ḻekzkaꞌ goṉaꞌn liꞌ
naꞌtech yiyoꞌan dia c̱hoꞌkaꞌ.”
13 Ka bizaꞌ Chiozaꞌ ganaꞌ bshaljleneꞌ Jacobaꞌ,
14 Jacobaꞌ jaḻeneꞌ to yaj naꞌ bzoachayileꞌn ganaꞌ bshaljlen Chiozaꞌneꞌ naꞌ bwazjeꞌn set naꞌch vino.
15 Naꞌ bsiꞌe latjaꞌ Bet-el.
Chet Raquelaꞌ
16 Naꞌ bizaꞌgakeꞌ Bet-elaꞌ,
naꞌ zi dii xench(*zi latꞌ) chyallj illingakeꞌ Éfratanaꞌ katꞌ wxan Raquelaꞌ,
naꞌ ḻe bllagloenꞌ.
17 Naꞌ ka chllagloenꞌ chzaneꞌ,
noolə winanaꞌ chiꞌeneꞌ:
“Bi illeboꞌ,
ba wxanoꞌ sto biꞌ byodoꞌ.”
18 Naꞌ ka ba chak shweteꞌ,
ka zeelo wkaa shiꞌenaꞌ bsiꞌe biꞌdoꞌnaꞌ Benoni,
naꞌ x̱abaa bsiꞌebꞌ Benjamín.
19 Naꞌ kaꞌ gok wit Raquelaꞌ.
Naꞌ bkwashꞌgakeꞌneꞌ tnez yell Éfratanaꞌ,
daa le Belén ṉaa.
20 Naꞌ Jacobaꞌ bzoacheꞌ to yaj ganaꞌ bkwashee Raquelaꞌ.
Naꞌ yajaꞌ ni chliꞌn ganaꞌ bkwasheeneꞌ.
21 Naꞌ Israelaꞌ bigwee nez naꞌ wdeteleꞌ ganaꞌ le Migdal-edar ganaꞌ jsoeꞌ.
22 Naꞌ shlak zoeꞌnaꞌ,
Rubénnaꞌ jetee kwit Bílhanaꞌ,
beenaꞌ zoalen x̱eꞌnaꞌ.
Naꞌ biṉezteilenꞌ.
Shlliṉ beṉꞌkaꞌ nak xiiṉ Jacobaꞌ
(1 Cr. 2:1-2)
Beṉꞌkaꞌ gok xiiṉ Jacobaꞌ,
gokgakeꞌ shlliṉ.
23 Beṉꞌkin gok xiiṉeꞌ len Léanaꞌ:
Rubénaꞌ,
beṉꞌ nech,
Simeónnaꞌ,
Levínaꞌ,
Judánaꞌ,
Isacáraꞌ naꞌch Zabulónaꞌ.
24 Naꞌ beṉꞌkin gok xiiṉeꞌ len Raquelaꞌ:
Josénaꞌ len Benjamínnaꞌ.
25 Naꞌ beṉꞌkin gok xiiṉeꞌ len Bílhanaꞌ,
wen llin c̱he Raquelaꞌ:
Dannaꞌ,
naꞌch Neftalínaꞌ.
26 Naꞌ beṉꞌkin gok xiiṉeꞌ len Zílpanaꞌ,
wen llin c̱he Léanaꞌ:
Gadaꞌ len Aseraꞌ.
Beṉꞌkin xiiṉ Jacobaꞌ,
beṉꞌkaꞌ goljə Padán-arámaꞌ.
Chet Isaacaꞌ
27 Jacobaꞌ biyajeꞌ jawieꞌ x̱eꞌ,
Isaacaꞌ,
ganaꞌ le Mamré,
yell daa ḻekzkaꞌ len Arba,
wa Hebrón,
ganaꞌ wzoaꞌ Abrahamaꞌ len Isaacaꞌ.
28 Isaacaꞌ wbaneꞌ to guiyoa taplaḻj yiz
29 naꞌ ba nakeꞌ beṉꞌ gol inlleb ka witeꞌ naꞌ biyakeꞌ toz len dii beṉꞌ gol c̱heꞌkaꞌ.
Naꞌ xiiṉeꞌ Esaúnaꞌ len Jacobaꞌ bkwashꞌgakeꞌneꞌ.