―Jaṉab noolə wewaa ikaa.

Cheenidꞌ wshagnaꞌlemꞌ.

5 Ka wṉezi Jacobaꞌ nan Siquemaꞌ ba bṉitbꞌ balaaṉ c̱he xiiṉeꞌ Dínanaꞌ bibi benkzeꞌ ax̱t ki billinch xiiṉeꞌkaꞌ chap bayix̱ꞌdoꞌ c̱heꞌkaꞌ lleꞌ lyix̱aa.

6 Naꞌ Hamoraꞌ,

x̱a Siquemaꞌ,

jawieꞌ Jacobaꞌ kwenc̱he wshaljleneꞌneꞌ.

7 Ka billin beṉꞌkaꞌ nak xiiṉ Jacobaꞌ lyix̱aa,

naꞌ wṉezgakileꞌ daa gok,

nall inlleb bllaagakeꞌ,

ḻaꞌ to dii xiṉj xen walanꞌ gok ladj beṉꞌ Israelkaꞌ daa bṉit Siquemaꞌ balaaṉ c̱he xiiṉ Jacobaꞌ.

Naꞌ gok to dii bi chiyaḻꞌ gak sheḻꞌkaꞌ.

8 Naꞌ Hamoraꞌ bshaljleneꞌ ḻegakeꞌ,

naꞌ chiꞌe:

― Biꞌ c̱haꞌ,

Siquemaꞌ,

choolallchgaibꞌ biꞌ c̱heleni.

Ḻi gon goklen ḻi weꞌ latj ikaa ljwellgakbꞌ.

9 Naꞌ ḻi goni bishꞌ ljwell-le netoꞌ,

naꞌ netoꞌ wakə ikaantoꞌ xiiṉlekaꞌ naꞌ leꞌ ḻekzkaꞌ wakə ikaale xiiṉntoꞌkaꞌ.

10 Ḻi yigaaṉlen netoꞌ,

dezə yell-lioni ganaꞌ soale.

Naꞌ ḻi soa kon ga cheenileꞌ,

naꞌ siꞌle yell-lio c̱hele.

11 Naꞌ cheꞌ Siquemaꞌ x̱a Dínanaꞌ naꞌ beṉꞌ zamꞌkaꞌ:

―Nadꞌ chatꞌyoidꞌ leꞌ goṉlebꞌ,

naꞌ goṉkzꞌ kon daa iṉable.

12 Aga bi gon daa shi iṉabile nadꞌ dii xench ka daa choeꞌ beṉꞌ.

Naꞌ dii zan dii goṉꞌ c̱hele.

Kon ḻi weꞌ latj wshagnaꞌlenꞌ biꞌ zanlenaꞌ.

13 Naꞌ daa bṉit Siquemaꞌ balaaṉ c̱he Dínanaꞌ,

naꞌ wxiyeꞌ beṉꞌkaꞌ nak xiiṉ Jacobaꞌ ḻegakeꞌ,

14 cheꞌgakeꞌ:

―Aga wakə weꞌzə netoꞌ biꞌ zanntoꞌni to beṉꞌ bi yoo seṉ daa le circuncisión.

Ḻaꞌ nakan to yeḻꞌ ztoꞌ c̱hentoꞌ.

15 Naꞌ wak wc̱hebntoꞌ shi gonle ka iṉantoꞌ.

Yogꞌḻoḻ-le leꞌ beṉꞌ byo chiyaḻꞌ koo seṉ kwinle kwenc̱he gakle ka nak netoꞌ.

16 Naꞌ wakə wshagnaꞌlenle biꞌ c̱hentoꞌkaꞌ,

naꞌ netoꞌ wshagnaꞌlentoꞌ bi c̱helekaꞌ,

naꞌ soakzntoꞌ ladjlenaꞌ naꞌ gakcho toz yell.

17 Naꞌ shi bi wc̱heble dga nantoꞌ leꞌ,

daa koo seṉ kwinle,

naꞌ yizaꞌ netoꞌ naꞌ yic̱heꞌntoꞌ biꞌ zanntoꞌni.

18 Naꞌ Hamoraꞌ len xiiṉeꞌ Siquemaꞌ bc̱hebgakeꞌ daa goll beṉꞌkaꞌ.

19 Naꞌ katenaꞌ Siquemaꞌ wloo seṉ kwimꞌ,

daa ḻe choolallibꞌ xiiṉ Jacobaꞌ.

Naꞌ Siquemaꞌ mbejlaobꞌ ladj bishꞌ ljwellbꞌkaꞌ.

20 Naꞌ wyajlemꞌ x̱abꞌ,

beenaꞌ le Hamor,

choꞌa yellaꞌ ganaꞌ lleꞌ beṉꞌ wlall c̱heꞌkaꞌ.

Naꞌ cheꞌgakeꞌ ḻegakeꞌ:

21 ―Beṉꞌki nakgakeꞌ beṉꞌ ba nllaguicho.

Naꞌ ni soagakeꞌ,

naꞌ witꞌ wde c̱hegakeꞌ yelli.

Latj xen wal de ga soagakeꞌ ni.

Choꞌ wakə wshagnaꞌlencho xiiṉeꞌkaꞌ,

naꞌ ḻegakeꞌ wakə wshagnaꞌlengakeꞌ xiiṉchokaꞌ.

22 Naꞌ chc̱hebgakeꞌ gakchogakeꞌ toz yell,

shi yogꞌḻoḻcho choꞌ beṉꞌ byo wc̱hebcho shoꞌcho seṉ daa le circuncisión kon ka nakgakeꞌ ḻegakeꞌ.

23 Yogꞌḻoḻ daa napgakeꞌ,

yogꞌḻoḻ bayix̱ꞌdoꞌ c̱hegakeꞌ,

gakgakb ba c̱hecho.

Chyalljzə wc̱hebcho goncho ka nagakeꞌ naꞌ yigaaṉlengakeꞌ choꞌ.

24 Yogꞌḻoḻ beṉꞌ byokaꞌ,

ka beṉꞌ wewꞌ ka beṉꞌ gol bc̱hebgakeꞌ gongakeꞌ daa goll Hamoraꞌ len Siquemaꞌ.

Naꞌ wloo seṉ kwingakeꞌ.

25 Ka gok shoṉə lla wloo seṉ kwingakeꞌ naꞌ ni chlagakeꞌ,

ka bllin Simeónnaꞌ* len Levínaꞌ,

xiiṉ Jacobaꞌ,

beṉꞌkaꞌ nak beṉꞌ zan Dínanaꞌ,

nox̱ꞌgakeꞌ spadaꞌ naꞌ betgakeꞌ yogꞌḻoḻ beṉꞌ byokaꞌ.

Naꞌ bikzə bi gok gongakeꞌ.

26 Naꞌ kon spadaꞌ betgakileꞌ Hamoraꞌ len Siquemaꞌ,

naꞌ bibejgakeꞌ Dínanaꞌ ḻoo yoo lill Siquemaꞌ,

naꞌ ziyajgakeꞌ.

27 Naꞌ bllinch yogꞌḻoḻte beṉꞌkaꞌ nak xiiṉ Jacobaꞌ naꞌ wdegakeꞌ ladj beṉꞌ wetkaꞌ chtoḻ naꞌ,

naꞌ jatesh jaḻoagakeꞌ yellaꞌ kwenc̱he biziꞌgakeꞌ wzon daa wnit balaaṉ c̱he biꞌ zaneꞌkaꞌ.

28 Naꞌ bic̱heꞌgakeꞌ no xilꞌ,

bak,

burr,

naꞌ yogꞌḻoḻ daa de yellaꞌ naꞌ lyix̱aa.

29 Naꞌ wlangakeꞌ yogꞌḻoḻ daa de ḻoo yoo lilleꞌkaꞌ naꞌ bc̱heꞌgakeꞌ biꞌdoꞌkaꞌ len noolkaꞌ.

30 Naꞌ cheꞌ Jacobaꞌ Simeónnaꞌ len Levínaꞌ:

―Asi leꞌ,

ka daa benlikzle c̱haꞌ.

Naꞌ ṉaa beṉꞌki lleꞌ ni,

cananeoki naꞌ ferezeoki,

illaagakeꞌ nadꞌ naꞌ wshagui ljwellgakeꞌ tiḻ-lengakeꞌ nadꞌ.

Naꞌ daa to c̱hoptgui beṉꞌki napꞌ,

naꞌ witgakeꞌ nadꞌ naꞌ yogꞌḻoḻ beṉꞌ llaꞌ ḻoo yoo lillii.

31 Naꞌ cheꞌgakeꞌ:

―¿Achakiloꞌ wenan beneꞌ,

benzileꞌ biꞌ zanntoꞌni ka to noolə wda?