Abrahamaꞌ naꞌ Abimelecaꞌ
20
Naꞌ bizaꞌ Abrahamaꞌ ganaꞌ zoeꞌ naꞌ billineꞌ yell-lio ganaꞌ mbani Neguevaꞌ,
naꞌ jsoeꞌ to yell daa le Gerar daa llia ladj ganaꞌ neꞌ Cades naꞌ Sur.
2 Naꞌ Abrahamaꞌ bi golleꞌ shi xooleꞌ Sáranaꞌ,
san cheꞌtezeꞌ:
“beṉꞌ zanꞌ beeni.”
Naꞌ Abimelecaꞌ,
beenaꞌ chṉabiaꞌ yell Geraraꞌ,
bseḻee to beṉꞌ jx̱iꞌe Sáranaꞌ kwenc̱he nan soaleneꞌneꞌ.
3 Naꞌ lo lleꞌnaꞌ,
Chiozaꞌ wṉieꞌ lo yel bishgal c̱he Abimelecaꞌ,
golleꞌneꞌ:
“Ba nakan guetoꞌ daa cheeniloꞌ ikoo Sáranaꞌ,
ḻaꞌ zoa beṉꞌ c̱he beenaꞌ.”
4 Naꞌ Abimelecaꞌ aga biṉꞌ gonileꞌ Sáranaꞌ,
naꞌ golleꞌneꞌ:
“¿Awitkzoꞌ nadꞌ ḻaꞌkzi bi biṉꞌ gonidee?
5 Ḻaꞌ kwinkz Abrahamaꞌ wneꞌ nadꞌ nan beṉꞌ zanenꞌ,
naꞌ ḻekzkaꞌ Sáranaꞌ kaꞌkzə wneꞌ nan beṉꞌ zanenꞌ.
Naꞌ benꞌ dga do lallaa,
ḻaꞌ bi ṉezidꞌ shi zoa beṉꞌ c̱he beeni,
naꞌ bibi doḻꞌ napꞌ nadꞌ.”
6 Naꞌ Chiozaꞌ wiznieꞌneꞌ lo yel bishgal c̱heꞌnaꞌ,
chiꞌeneꞌ:
“Nadꞌ ṉezidꞌ nan liꞌ benonꞌ do lalloo,
daaklen bi biꞌa latj bi goniloꞌneꞌ kweṉche bibi saaxya gapoꞌ lawii.
7 Naꞌ ṉaa niaꞌ liꞌ,
biyoꞌe xoolə beenaꞌ,
ḻaꞌ nakeꞌ beṉꞌ chyix̱jee diikaꞌ chepee(*).
Naꞌ ḻekzeꞌ iṉabeꞌ c̱hoꞌ kwenc̱he bi guetoꞌ.
Naꞌ shi bi yiyoo xooleꞌnaꞌ naꞌ guetoꞌ len yogꞌḻoḻte dialla c̱hoꞌkaꞌ.”
8 Naꞌ betiyo ka wyeniꞌ wyas Abimelecaꞌ naꞌ goxeꞌ yogꞌḻoḻte beṉꞌkaꞌ nzoeꞌ chṉabiaꞌ,
naꞌ ka beꞌleneꞌ ḻegakeꞌ dillꞌ yogꞌ diikaꞌ ba wṉeileꞌ yel,
bllebchgagakeꞌ.
9 Naꞌ wṉe Abimelecaꞌ Abrahamaꞌ naꞌ golleꞌneꞌ:
―Wa ba benlikzoꞌ c̱hentoꞌ.
¿Bera ba benꞌ c̱hoꞌ benlikziloꞌ nadꞌ kaꞌ len beṉꞌ wlall c̱haꞌki?
Daa bi chiyaḻꞌ gonoꞌ ba beniloꞌ nadꞌ.
10 ¿Bera nazan c̱hoꞌ benoꞌ kaꞌ?
11 Naꞌ Abrahamaꞌ billiꞌe xtillꞌ beeni,
chiꞌeneꞌ:
―Gokidꞌ aga chlleble Chiozaꞌ,
naꞌ witle nadꞌ ni c̱he nool c̱haꞌni.
12 Dii ḻi beṉꞌ zankzaꞌn,
ḻaꞌ xiiṉ x̱aꞌnanꞌ per aga toz xṉaꞌntoꞌ.
Naꞌchan wkaaneꞌ nool c̱haꞌ.
13 Naꞌ ka wṉe Chiozaꞌ nadꞌ nan chiyaḻꞌ yichejꞌ lill x̱aꞌnaꞌ,
naꞌ bzajniidꞌ nool c̱haꞌni cheꞌpee:
“Gonoꞌ goklen,
gattezə illincho naꞌ yoo beṉꞌkaꞌ nan beṉꞌ zanoꞌ nadꞌ.”
14 Naꞌ Abimelecaꞌ biyoꞌe xool Abrahamaꞌ,
beenaꞌ le Sara.
Naꞌ beꞌtieꞌ no bayix̱ꞌ c̱heꞌ,
no xilꞌdoꞌ,
no bak,
naꞌ beꞌtieꞌneꞌ beṉꞌ goneꞌ xshineꞌ,
ka nool ka beṉꞌ byo.
15 Naꞌ golleꞌneꞌ:
―Bwiakachi lo yell-lio dga mbanidꞌ,
gayin choolalloo goni lill xḻatjoꞌ(*ḻ).
16 Naꞌ ḻekzkaꞌ golleꞌ Sáranaꞌ:
―Ni ba biꞌa beṉꞌ zanoꞌni to mil mech plat kwenc̱he bi nit balaaṉ c̱hoꞌnaꞌ,
naꞌ kono iṉe zban c̱hoꞌ.