Génesis 14

Abramaꞌ chisleꞌ Lotaꞌ

Naꞌ kanaꞌ nak Amrafelaꞌ wṉabiaꞌ c̱he Sinaraꞌ,

naꞌ Ariocaꞌ nakeꞌ wṉabiaꞌ c̱he Elasaraꞌ,

naꞌ Quedorlaómeraꞌ nakeꞌ wṉabiaꞌ c̱he Elamaꞌ,

naꞌ Tidalaꞌ nakeꞌ wṉabiaꞌ c̱he Goimaꞌ.

2 Beṉꞌki wdiḻ-lengakeꞌ Béranaꞌ,

beenaꞌ nak wṉabiaꞌ c̱he Sodómanaꞌ,

len Bírsanaꞌ,

beṉꞌ wṉabiaꞌ c̱he Gomórranaꞌ,

len Sinabaꞌ beṉꞌ wṉabiaꞌ c̱he Ádmanaꞌ,

len Semeberaꞌ beṉꞌ wṉabiaꞌ c̱he Zeboimaꞌ,

naꞌ len beṉꞌ wṉabiaꞌ c̱he Bélanaꞌ,

daa ḻekzkaꞌ len Zoar.

3 Yogꞌḻoḻ beṉꞌki bdopgakeꞌ to leshꞌ ganaꞌ le Sidim,

ka de ganaꞌ llia nisdoꞌnaꞌ daa le Nisdoꞌ Zxiꞌ.

4 Beṉꞌ wṉabiaꞌ Quedorlaómeraꞌ wṉabiꞌe ḻegakeꞌ shlliṉ yiz ka ba zejə gak shiiṉ yiz bich bzoagakeꞌ xtilleenaꞌ,

naꞌ koch no bzenag c̱heꞌ.

5 Ka bizoa yizaꞌ Quedorlaómeraꞌ naꞌ beṉꞌ wṉabiaꞌkaꞌ naklengakeꞌneꞌ txen wyajgakeꞌ jengakeꞌ gan refaítakaꞌ,

beṉꞌkaꞌ lleꞌ yell-lio daa le Astarot Karnaim,

naꞌ ḻekzkaꞌ jengakeꞌ gan zuzítakaꞌ,

beṉꞌkaꞌ lleꞌ yell-lionaꞌ le Ham,

naꞌ emítakaꞌ,

beṉꞌkaꞌ lleꞌ yell-lionaꞌ le Save-quiriataim,

6 naꞌ ḻekzkaꞌ jengakeꞌ gan horeokaꞌ,

beṉꞌkaꞌ zoa yaa yao c̱he yell-lionaꞌ le Seir,

bllintegakeꞌ Paránnaꞌ daa ndiḻ latj ganaꞌ bibi chashj chḻeb.

7 Naꞌ bibiigakeꞌ billingakeꞌ yell-lionaꞌ le En-mispat,

daa ḻekzkaꞌ len Cades,

naꞌ blliayiꞌgakeꞌ kon bi bleꞌgakileꞌ lo yell-lio c̱he amalecítakaꞌ naꞌ c̱he amorreokaꞌ,

beṉꞌkaꞌ zoa Hazezon-tamaraꞌ.

8 Naꞌ bllesh beṉꞌ wṉabiaꞌ c̱he Sodómanaꞌ,

naꞌ beṉꞌ wṉabiaꞌ c̱he Gomórranaꞌ,

naꞌ beṉꞌ wṉabiaꞌ c̱he Ádmanaꞌ,

naꞌ beṉꞌ wṉabiaꞌ c̱he Zeboimaꞌ,

naꞌ beṉꞌ wṉabiaꞌ c̱he Bélanaꞌ,

yell daa ḻekzkaꞌ len Zoar.

Naꞌ bllingakeꞌ leshꞌ Sidimaꞌ,

9 naꞌ naꞌ wdiḻ-lengakeꞌ Quedorlaómeraꞌ,

beṉꞌ wṉabiaꞌ c̱he Elamaꞌ,

Tidalaꞌ beṉꞌ wṉabiaꞌ c̱he Goimaꞌ,

Amrafelaꞌ beṉꞌ wṉabiaꞌ c̱he Sinaraꞌ,

naꞌ Ariocaꞌ beṉꞌ wṉabiaꞌ c̱he Elasaraꞌ.

Tap beṉꞌ wṉabiaꞌki wdiḻ-lengakeꞌ beṉꞌkaꞌ gayꞌ.

10 Doxen leshꞌ c̱he Sidimaꞌ nakan bido yechzə ga chal chapopote,

naꞌ ka nan chxoṉj beṉꞌ wṉabiaꞌ c̱he Sodómanaꞌ naꞌ len beṉꞌ wṉabiaꞌ c̱he Gomórranaꞌ baḻeꞌ bxopgakeꞌ ḻoo yechkaꞌ,

naꞌ zi baḻeꞌ bxoṉjgakeꞌ jakwashꞌgakeꞌ lo yaakaꞌ.

11 Naꞌ beṉꞌkaꞌ ben gan lo wdiḻaꞌ bitop bisaꞌgakeꞌ yogꞌḻoḻ yeḻꞌ wniꞌanaꞌ naꞌ yogꞌḻoḻ dii cheej chao beṉꞌ Sodómakaꞌ naꞌ beṉꞌ Gomórrakaꞌ ziyajlengakeꞌn.

12 Naꞌ daa zoa Lotaꞌ,

xiiṉ dii beṉꞌ bishꞌ Abramaꞌ,

Sodómanaꞌ,

leneꞌ bc̱heꞌgakeꞌ naꞌ yogꞌḻoḻ dii de c̱heꞌ.

13 Naꞌ bllin to beṉꞌ bila jasiꞌnileꞌ Abram beṉꞌ hebrewaꞌ,

kanaꞌ zoeꞌ ganaꞌ lleꞌ yag zilljkaꞌ c̱he beṉꞌ amorrewaꞌ,

beenaꞌ le Mamré,

beṉꞌ bishꞌ Escólaꞌ,

naꞌ beṉꞌ bishꞌ Aneraꞌ,

beṉꞌkaꞌ nak Abramaꞌ txen.

14 Ka beni Abramaꞌ nan len xiiṉ dii beṉꞌ bisheenaꞌ bc̱heꞌ beṉꞌkaꞌ,

naꞌ bshesheꞌ shoṉə guiyoa shinꞌshoṉə xiiṉ wen llin c̱heꞌkaꞌ,

beṉꞌkaꞌ golj lilleꞌnaꞌ.

Naꞌ bgox̱ee ḻegakeꞌ daa lljtiḻ-lengakeꞌ naꞌ zejlentieꞌ ḻegakeꞌ zjaxengakeꞌ beṉꞌ wṉabiaꞌkaꞌ bllintegakeꞌ yellaꞌ le Dan.

15 Naꞌ ka goḻ,

bllin Abramaꞌ naꞌ beṉꞌkaꞌ nc̱hiꞌe wdiḻ-lengakeꞌ beṉꞌ wṉabiaꞌkaꞌ naꞌ blaggakeꞌ ḻegakeꞌ bllintegakeꞌ yell Hóbanaꞌ,

daa llia yic̱hj yell Damásconaꞌ.

16 Naꞌ bikaagakeꞌ yogꞌḻoḻ diikaꞌ wkaa beṉꞌkaꞌ,

naꞌ beneꞌ gan bisleꞌ Lotaꞌ,

xiiṉ dii beṉꞌ bisheenaꞌ,

naꞌ yogꞌ daa wkaagakeꞌ c̱heꞌ,

naꞌ bisleꞌ no nool naꞌ nochlə beṉꞌ yoblə.

Melquisedecaꞌ chṉabeꞌ gak wen c̱he Abramaꞌ

17 Ka billin Abramaꞌ jeneꞌ gan Quedorlaómeraꞌ naꞌ beṉꞌkaꞌ nakgakeꞌneꞌ txen,

naꞌ bchej beṉꞌ wṉabiaꞌ c̱he Sodómanaꞌ jatiḻeꞌneꞌ leshaa daa le Save,

naꞌ ḻekzkaꞌ len Leshꞌ c̱he Beṉꞌ Wṉabiaꞌ.

18 Naꞌch Melquisedecaꞌ beenaꞌ nak beṉꞌ wṉabiaꞌ c̱he Salemaꞌ naꞌ ḻekzkaꞌ nakeꞌ bx̱oz c̱he Chiozaꞌ,

beenaꞌ ḻiizelozi nak beṉꞌ choo beṉꞌ xen,

naꞌ bwaweꞌ ḻegakeꞌ yetxtil naꞌ vino,

19 naꞌ wṉabeꞌ ka gak wen c̱he Abramaꞌ kon dillꞌki:

“Chios,

beenaꞌ nak ḻiizelozi beṉꞌ choo beṉꞌ xen,

beenaꞌ bx̱e bsileꞌ yabanaꞌ len yell-lioni,

gonshgueꞌ ka gak wen c̱hoꞌ.

20 Shoꞌ Chiozaꞌ balaaṉ,

beenaꞌ nak ḻiizelozi beṉꞌ choo beṉꞌ xen,

gokleneꞌ liꞌ benoꞌ gan beṉꞌkaꞌ wdiḻ-lenoꞌ.”

Naꞌ Abramaꞌ beneꞌ shi kwen yogꞌ diikaꞌ bikee c̱he beṉꞌkaꞌ naꞌ wlejeꞌ tkwenan^a biꞌen Melquisedecaꞌ.

21 Naꞌ beṉꞌ wṉabiaꞌ c̱he Sodómanaꞌ golleꞌ Abramaꞌ:

―Biyoṉ nadꞌ beṉꞌki jasloꞌ naꞌ bgaaṉlen liꞌ yogꞌḻoḻ diikaꞌ bikoo lao beṉꞌkaꞌ.

22 Naꞌ Abramaꞌ golleꞌneꞌ:

―Ba bc̱hebꞌ lao Chiozaꞌ,

beenaꞌ nak ḻiizelozi beṉꞌ choo beṉꞌ xen,

beenaꞌ ben yabanaꞌ len yell-lioni,

23 ni to dii de c̱hoꞌ bi ikaa,

ni latꞌ no do c̱hoꞌ,

ni tlishꞌ yid dii choni xeloꞌ bi ikaa,

kwenc̱he ki iṉazoꞌ linꞌ benoꞌ nadꞌ beṉꞌ wniꞌa.

24 Shlas bibi cheenidꞌ ikaa,

zeelo daa ba wdao beṉꞌ wen llin c̱haꞌkaꞌ.

Naꞌ beṉꞌkaꞌ wzaꞌlen nadꞌ,

Aneraꞌ,

Escólaꞌ naꞌ Mamrénaꞌ,

ḻegakeꞌ chidoḻꞌgakeꞌ ikaagakeꞌ latꞌ diikaꞌ bikaantoꞌ lao beṉꞌ wṉabiaꞌkaꞌ.