2 Piyukeja nakaje rilaꞌakare iꞌimaká amájeño, penájemina iꞌimakeño riyukuna najló. Riká yukuna nalanaꞌá naꞌapiyá iꞌimaká. Rikeñoꞌoká rijápakaꞌala laꞌakana iꞌimaká wakajé eyá, neꞌemá rijwaꞌaté. Piyukeja nakaje, rewíñaꞌatajikare nakú neká, nemaꞌaké raꞌapiyá. Neká iꞌimakeño riyukuna ajopánajlo, ajopánajlo ke. Wajló waꞌató neꞌemá kaja riyukuna.

3 Eyá nuká kejáꞌari palá riyukuna ajopana inaꞌukena liyá iꞌimaká, rijyuwakami yukuna waꞌató.

4 Ñakele, Teófilo, nuwata piyukeja riyukuna lanaꞌakana palá pijló, piweꞌepíkaloje palá kewákaje purákaꞌaloji nakojé. Kaja nowíñaꞌata piꞌimaká rinaku, piweꞌepíkaloje rinakojé palá raú.

5 Herodes iꞌimaká judíona iꞌimakana wakajé, sacerdote Zacarías iꞌimaká. Sacerdote Abías nakiyana riꞌimaká. Riyajalo ií iꞌimari Elisabet. Sacerdote kaja Aarón michú iꞌimaká. Rilakénami nakiyana ruꞌumaká.

6 Palá Tupana pechu iꞌimajika Zacarías nakú, riyajalo waꞌaté. Palá nemaꞌajika raꞌapiyá. Nalaꞌaké nakaje Tupana purákaꞌalo lanaꞌakéjami kemájika ke, raú palá laꞌajeñó neꞌemaká Tupánajlo.

7 Unká nayani iꞌimaké, mewakú riyajalo iꞌimajíkale. Riwakajé kaja pheñawilana wani neꞌemaká.

8 Zacarías laꞌakeri rijápakaꞌala Tupánajlo. Pajewémichaka ke nalaꞌajíkano riká ajopana waꞌaté, riwakajé riká, rijwákeꞌena waꞌaté, laꞌañó najápakaꞌala.

9 Tupana ñakaré chu neꞌemá. E nawakáraꞌa Zacarías mujlúkaꞌaka ukapú chojé, rikáraꞌakaloje aꞌawaná iká reyá iꞌimajemi.

10 Re rikáraꞌaka aꞌawaná iká ketana, ajopana inaꞌukena puraꞌakó Tupana waꞌaté apaꞌalá ukapú chu.

11 Eꞌiyowá ke Tupana waꞌatéjeri, jeꞌechú chiyaje, yaꞌatakó rijló. Re altar iꞌimaké, jipa nakiyá laꞌakanami. Riká nakojé nakáraꞌake aꞌawaná iká. Kaꞌañá chojó mesa tujré ejo pitá nakojó ritáraꞌo, e manaꞌí chiyó Tupana waꞌatéjeri iphari rejé.

12 E Zacarías amari ritáraꞌako. Rinakojé ripechu kapicháñaa rijápakaꞌala, kajrú wani rikeroꞌokole.

13 Rejéchami Tupana waꞌatéjeri puraꞌakó rijwaꞌaté. Rimá rijló:

14 Puꞌují wani pipechu iꞌimajika rimothoꞌojika wakajé, ñaké kaja ajopana pechu laꞌajiko puꞌují raú.

15 Palá wani Tupana pechu iꞌimajika piꞌirí nakú. Unká riꞌiralaje nakaje jalá amúraꞌatakanami. Unká chiyó rimothoꞌó, kaja Ripechu iꞌimajé rijwaꞌaté.

16 Riꞌimajé Tupana yukuna piyuke Israel lakénamijlo, napajnoꞌotákaloje napéchuwa rinakojé, naweꞌepíkaloje piño rinakojé, iná wakáraꞌajeri wani riꞌimakale.

17 Raꞌapátaje inaꞌukejlo Ripurákaꞌalo yukuna. Inaꞌuké iꞌimatájeri penaje Tupana wakáraꞌajikare, tukumá riꞌimajé najló riyukuna. Kaphí Elías michú pechu iꞌimajika Ripurákaꞌalo jaꞌapátakana nakú inaꞌukejlo iꞌimaká. Ripechu iꞌimaká ke kaja piꞌirí pechu iꞌimajika raꞌapátakana nakú. Raꞌapátaje inaꞌukejlo Ripurákaꞌalo yukuna, raú nayani pechu palaꞌakóloje piyukeja nachiꞌiná waꞌaté. Unká jemaꞌalaño raꞌapiyá, nemaꞌakáloje raꞌapiyá penaje, riꞌimajé kaja riyukuna najló”.

18 E Zacarías kemari rijló:

19 Raú Tupana waꞌatéjeri kemari rijló:

20 eꞌiyonaja unká pachá pilaꞌalacha kewaka nupurákaꞌalo noꞌopiyá, piyurejo chuwa manumaruja aꞌajná piꞌirí mothoꞌojika ejená. Ilé numíchaka pijló keja piꞌirí iꞌimajika. Ñakele riphájika rená chojé wakajé rimothoꞌojé.

21 Ilé ke napuraꞌakó pajwaꞌatéchaka ketana, ajopana inaꞌukena iꞌimaká Zacarías wátakana nakú apaꞌalá ukapú chu. E napechu iꞌimá: “¿Na kaꞌajná rilaꞌalá jupi wani richu?”, ke.

22 E kaja waja ráchoꞌo richiyá. Reyá aꞌajná ñoꞌojó unká méñoꞌojo ripuraꞌaló. Riyátheꞌela aú ja ripuraꞌó najwaꞌaté, manumarú riꞌimakale. Raú nemá rinaku: “¿Na kaꞌajná yaꞌatíyaro rijló ukapú chu, liꞌichari riká ilé ke?”

23 E kaja riphá rená chojé najló, apú jápakaloje Tupana ñakaré chu rapumí chojé. Raú ripaꞌó riñakaré ejo.

24 E meketánaja iꞌimajemi riyajalo iꞌimayo kanupá, raú unká róchoꞌolo nañakaré chiyá pajluwa théꞌela keta keri ketana.

25 Puꞌují rupechu laꞌakó kanupá ruꞌumakale. Rumá: “Kaja Tupana laꞌá nunaku palá, ajopana inaꞌukena iphákaloje noꞌopí penaje. Kaja unká nephake noꞌopí, mewakú nuꞌumajíkale”.

26 Pajluwa kuwáꞌata keta keri ketana cha Elisabet iꞌimaká kanupá wakajé, Tupana wakáraꞌari rikaja kaja Gabriel, jeꞌechú chiyaje, iꞌijnaká pajimila Nazaret ejo. Galilea teꞌeré nakú riká pajimila.

27 Tupana wakáraꞌari riká rejo María chaje. Inaya joꞌó ruꞌumaká riwakajé, unká joꞌó ruwáꞌakalo iꞌimaká. Napuraꞌó rinaku José waꞌaté, nawáꞌakakoloje pajwaꞌatéchaka penaje. David michú lakénami nakiyana José iꞌimaká.

28 E kaja Tupana waꞌatéjeri iphari María nakú. Rimá rojló:

29 Ilé ke rimaká rojló aú rupechu iꞌimá: “¿Meke kaꞌajná kaji rimá nakú nojló? ¿Naje chi rimá nojló ilé ke?”

30 E rimá piño rojló:

31 Chuwa piyuríjiko kanupá, achiñá piꞌirí iꞌimajika. Eko paꞌá rií Jesús.

32 Palá wani rilaꞌajika piyukeja inaꞌukena nakú. Nemaje rinaku: “Tupana iꞌirí riká. Ajopana chaje wani wakáraꞌaka iꞌirí riká”, ke. Tupana aꞌajeri riká neꞌemakana penaje. David michú iꞌimaká neꞌemakana, ke kaja riꞌimakáloje penaje.

33 Ñakeja wani riꞌimajika Israel lakénami wakáraꞌajeri. Unká ritajnálajo iꞌimajika; unká kaja ráchoꞌolajo richiyá.

34 Raú rumá rijló:

35 Rimá rojló:

36 Eyá peꞌeweló Elisabet, phíyuꞌukeru wani ruká, eꞌiyonaja Tupana palamane kanupá ruká meꞌetení, mewakú ruꞌumaká eꞌiyonaja. Pajluwa kuwáꞌata keta keri cha ruká kanupá.

37 Tupana weꞌepiri piyuke wani nakaje laꞌakana —ke rimaká rojló.

38 —Ñaké riká. Pimíchaka nojló keja riꞌimajika, Tupana wátaka ke laꞌajeyo nuká.

39 E kaja María iꞌijnayo tuꞌujné ají ke apú pajimila ejo, Judea teꞌeré nakú yenuri eꞌiyowá pajimila iꞌimakare ejo.

40 Ruphaka rejo ee, rumujlúkaꞌa Zacarías ñakaré chojé, e rojalaka Elisabet.

41 Raú Elisabet iꞌirí ñani kawitari rowó chu. Tupana Pechu iꞌimakale rujwaꞌaté,

42 raú kaphí rumaká Maríajlo:

43 Nuwakáraꞌajeri jaló penájeru piká. ¡Palá wani piliꞌichaka nuká majó nuchaje iꞌijnakana aú!

44 Pajalákichaka nuká ee, nuꞌurí ñani kawitíyari nowó chu, puꞌují ripechu iꞌimichákale.

45 Rumá piño rojló:

46 María kemayo rojló:

56 Weji keta keri ketana María yuriko Elisabet waꞌaté iꞌimaká, rejomi rupaꞌó reyá.

57 E kaja Elisabet iphayo roná chojé ruwáꞌakaloje ruꞌurí penaje.

58 Puꞌují pajñakani neꞌemakárena waꞌaté pechu laꞌakó raú, Tupana laꞌakale palá wani runaku, raú neꞌejná ruchaje ruyájlepana laꞌajé.

59 E kaja weji ke kuwáꞌata ke (8) kala cha riꞌimaká ejomi, neꞌejná kerákoꞌopa chinuma mataꞌajé. Nawata rií aꞌakana raraꞌapá ií ke kaja.

60 Eꞌiyonaja raló kemayo najló:

61 Raú nemá rojló:

62 Rejéchami nemaká nayátheꞌela aú kerákoꞌopa jaraꞌapajlo, namákaloje naka raꞌaká rií.

63 Raú rikejaꞌa naliyá papera riyáꞌatakaloje najló rií richojé. E riyáꞌata rií Juan, ke, raú ajopana pechu iꞌimá: “¿Meke chi kaji?”

64 Rejéchami Zacarías purákaꞌalo iphaka ripuraꞌakóloje piño. E ripuraꞌó palá Tupana nakú.

65 Ilé ke rawaꞌá iꞌimakaño amaka aú, kajrú nakeroꞌokó. Ilé kaje ejomi piyuke Juan mothoꞌoká yukuna jemaꞌakó rewá. Judea teꞌeré ewájena, eyá yenuri eꞌiyowá iꞌimakaño, waꞌató jemaꞌañó riyukuna piyukeja.

66 Piyuke riyukuna jemaꞌajeño iꞌijnataka napéchuwa rinaku kajrú. Nemá pajlokaka rinaku: “¿Na penaje kaꞌajná kele kerákoꞌopa mothoꞌó?” Nemá rinaku ñaké, naweꞌepíkale kajrú Tupana aꞌajika riñathé.

67 Kajrú Tupana Pechu iꞌimaká kele kerákoꞌopa jaraꞌapá waꞌaté. Ñakele riwakáraꞌaka ke ripuraꞌakó raꞌapiyá, raú rimá:

76 Rejomi Zacarías kemari riꞌirí ñánijlo:

80 Riꞌirí tawáꞌaro iꞌimaká. Ewá riñapaka, kajrú ripechu iꞌimaká rijluwa. Desierto chuja riꞌimaké, ewá riphaka rená chojé rijló raꞌapátakaloje Tupana purákaꞌalo yukuna ajopana inaꞌukénajlo. Ñaketana riꞌimaká desierto chu.