28
Ñaakajo nakú, puꞌuwaré laꞌajerí, unká na ñaaló rinaku eꞌiyonaja.Eyá palá laꞌajeñó manaꞌija, unká na piyá nakeroꞌoló.
Yawi ejaꞌawá eꞌiyowaje iꞌimaká manaꞌija,
unká na piyá kalé keroꞌokó,
keja kaja neká, naweꞌepíkale unká na kalé laꞌajika neká chapú.
9 Unkájika ee pajluwa wata Tupana purákaꞌalo jaꞌapiyá jemaꞌakana,
unká kaja Tupana jemaꞌalaje raꞌapiyá ripurákaꞌalo,
ripuraꞌajiko kewá rijwaꞌaté.
13 Unká paala nakaje jáchoꞌojiko pijló, pimichoꞌotájika ee puꞌuwaré pilaꞌakare chaya.
Puꞌuwaré pilaꞌakare yukuna iꞌimakana Tupánajlo,
eyá ñaké laꞌakana yuríkana piliyó,
raú ja kalé Tupana amojla pichaje.
21 Unká paala apú laꞌakana iná amákaja.
Iná laꞌakachu kaꞌajná wejápaja nakaje unká paala,
puꞌuwaré laꞌakaná kaja riká.
24 Jataꞌarí richiꞌiná liyá nakaje, rejomi palá ripechu rinakuwá:
“Unká na nulaꞌalá puꞌuwaré”, ke,
unká inaꞌukélaruna wani wákeꞌewe riká, ilé kajé pachá.