29
2 Palá laꞌajeñó iꞌimakachu inaꞌuké wakáraꞌajeño,palá najwaꞌatéjena pechu.
Eyá puꞌuwaré laꞌajeñó iꞌimakachu inaꞌuké wakáraꞌajeño,
kajrú najwaꞌatéjena amaka chapú kaje yajwé.
11 Unká mapechuru weꞌepila riyuchá ñaꞌakana panaku,
kiñaja rilaꞌaká nakaje unká paala.
Eyá kajrú nakaje nakojé weꞌepéjeri,
weꞌepiri riyuchá ñaꞌakana panaku,
rejeja riyuchá jaꞌapákaloje riliyá penaje.
15 Rilaꞌaká piyá nakaje ripechu keja, iná wajá iná iꞌirí,
riweꞌepíkaloje palá laꞌakaná raú.
Eyá iná yuríkachu rilaꞌaká ripechu keja nakaje,
rapáñaꞌata richiꞌiná nakú.
23 Laꞌarí rikó weꞌepiri ke wani, kapichájero.
Eyá laꞌarí rikó ajopana jaꞌapejé ke,
jaꞌapí palá ajopana iphaje.
25 Iná keroꞌokochu inaꞌuké piyá, patakeja ke iná raú.
Eyá iná pechu iꞌimakachu kaphí Tupana chojé,
rimejñata iná.