27
Pipechu iꞌimaniña: “Marí ke nulaꞌajika muní” ke,unkale piweꞌepila mékeka nakaje iꞌimajika pijló muní.
2 Palani ajopana puraꞌakó pinaku palá;
unká paala pipuraꞌakó pikó pinakuwá palá.
4 Kajrú iná yúchaꞌakochu,
iná laꞌakajla kaja kajrú chapú apú inaꞌuké.
Eyá nakaje yúchaꞌatari iná júpija,
pachá iná kapichátajla ajopana.
Eyá iná pechu iꞌimakachu chapú ajopana nakú,
nacháꞌatakale iná, richaje iná laꞌaká chapú raú.
Kaja unká iná yurílaje iná liyó ñaké iná péchuwa iꞌijnatákana.