19
2 Unká paala nakaje laꞌakana kiñaja,unká chiyó iná iꞌijnatá palá iná péchuwa rinaku.
Kiñaja iná laꞌakachu nakaje, mapeja iná apichátaka riká.
3 Mapechuru inaꞌuké iꞌimaká pachá, riyurino riliyó palá laꞌakaná.
Rejomi rimá Tupana nakú: “Ripachá nulaꞌá ñaké iꞌimaká”, ke.
11 Weꞌepiri palá laꞌakaná, puꞌuwaré laꞌakaná liyá,
weꞌepiri kaja riyuchá ñaꞌakana panaku.
Riweꞌepí kaja ajopana chaje amákano,
chapú nalaꞌakare riká liyá.
13 Nakaje, iná iꞌirí mapechuru laꞌakare,
pachá iná amá kajrú chapú kaje yajwé.
Juni athupákachu ñakeja iná ñakaré chojé, rikawílaꞌa iná nakú.
Ñaké kaja inanaru kayukújneꞌekeru kawílaꞌaka iná nakú.
17 Iná yaꞌatákachu liñeru kamuꞌují laꞌakáñojlo,
Tupánajlo pi iná yaꞌatá riká, keja riká,
Tupana aꞌajíkale inajlo nalewérikare inajlo wemí.
18 Pilaꞌá piꞌirí jenakú yuwají joꞌó riꞌimanoja,
rilaꞌakáloje palá penaje.
Unká riwajákana aú pikapichátalaje riká.
22 Palá laꞌakana nakuja Tupana wata inaꞌuké iꞌimaká.
Unká paala kajrú liñeru kánakana
ajopana waꞌaté pajlakana aú.
Palánijla iná iꞌimaká kamuꞌují laꞌaká.
26 Iná laꞌakachu iná jaraꞌapá chapú,
eyá iná kaꞌakachu iná jaló iná ñakaré chiyá,
kajrú wani iná apáñaꞌataka nanakuwá raú.