18
3 Iná laꞌakachu puꞌuwaré, iná apáñaꞌo raꞌapí rejomi.Ñakeja kaja iná laꞌakachu iná nakuwá mapeja:
kajrú wani weꞌepika, ke,
unká na iphálaje iná jaꞌapí rejomi.
6 Nakaje mapechuru kemakare nakú pachá,
naꞌó pekowáaka amaje chapú.
Ripurákaꞌalo pachá rikulá rijluwa inaꞌuké,
nañaꞌatákaloje riká penaje.
8 Palani inajlo ajopana nakú chapújraꞌakano.
Eꞌiyonaja chapú wani iná laꞌaká
iná chapújraꞌakarona nakú pechu raú.
9 Ijnuruna inaꞌukena, nakaje apichátajeño waꞌaté,
pajluwa yaní keja neká pajwaꞌatéchaka.
13 Iná aꞌajipakachu apujlo mapeja,
unká chiyó iná jemaꞌá palá mékeka rimaká inajlo,
mapechuru laꞌaká nakaje, ke iná laꞌaká raú.
Paí kaje wani inajlo ñaké laꞌakana.
21 Nakaje neꞌiyajena kemakare nakú
aꞌarijla iꞌimakaje ajopánajlo.
Ñaké kaja nakaje neꞌiyajena kemakare nakú
kapichátakajla ajopana.
Kajrú wani puraꞌakaño mapeja amájeño chapú kaje yajwé,
napurákaꞌalo pachá.