17
3 Kerápela aú nalaꞌá imaꞌá oro, plata waꞌaté,raú naweꞌepíkaloje kewaka oro wánika riká.
Ñaké kaja Tupana atáꞌaka weká,
ramákaloje raú mékeka rijló nakaje weꞌejnatákare nakú wapéchuwa.
4 Puꞌuwaré laꞌajeñó, pajlákachina waꞌaté,
jemaꞌañó puꞌuwaré nojé purákaꞌaloji jaꞌapiyá.
5 Iꞌichari kamuꞌují laꞌakaño nakú,
iphari raꞌapiwá Tupana, rikeñoꞌótajerijlo.
Eyá iꞌichari nanaku chapú kaje yajwé namájika wakajé,
Tupana wajaje, ñaké rilaꞌakare pachá.
17 Palá iná nakú péchuri wátari iná ñakeja.
Iná eꞌewé ke riká inajlo, chapú kaje yajwé iná amaka wakajé.
20 Unká puꞌuwaré péchuri iphátalaje nakaje palani rijluwa iꞌimajika;
chapú kaje yajwé amákanaja rikulá rijluwa,
nakaje rimakare nakú pachá.
22 Pujana ke inajlo puꞌují iná pechu iꞌimakachu,
iná iꞌimakale peyajweni raú.
Eyá kamuꞌují iná pechu iꞌimakachu, iná liyómika keja iná raú.
24 Re kapechuni pechu nakú nakaje riwátakare laꞌakaná,
riwata kajrú nakaje nakojé weꞌepíkana.
Eyá manai péchuri pechu nakú,
unká na iꞌimalá rilaꞌakáloje penaje.
27 Wejápaja kajrú nakaje nakojé weꞌepéjeri puraꞌakó.
Unká kapechuni yúchaꞌalo kiñaja, manaꞌija riká.
28 Mapechuru manúmaꞌakochu, ajopana pechu rinaku:
“Kajrú nakaje nakojé weꞌepéjeri kaꞌajná riká”,
rimanúmaꞌakole, ke.