16
Inaꞌuké iꞌijnatari ripéchuwa nakaje rilaꞌajíkare nakú.Tupánaja kalé weꞌepiri mékeka nakaje
riꞌijnatákare nakú ripéchuwa iꞌimajika rijló.
7 Palani Tupánajlo nakaje palá laꞌajerí laꞌakare iꞌimakachu,
raꞌá kajrú wani riñathé,
chapú rinaku péchuruna iꞌimakáloje palá rijwaꞌaté penaje.
9 Weká iꞌijnataño wapéchuwa palá nakaje walaꞌajíkare nakú;
eyá Tupana aꞌajeri wajló puwaꞌaká mékeka rilaꞌakana iꞌimajika.
10 Wakáraꞌajeño puraꞌakochu Tupana apumí chojé ke, inaꞌuké wajákana nakú,
unká mapeja kalé nawajaka neká.
13 Kajrú wakáraꞌajeño wátaka najwaꞌatéjena
kewaka puraꞌakaño, unká wani pajlálaño,
unká kaja michoꞌotálaño nakaje chaya.
18 Laꞌarí rinakuwá mapeja paineko,
kajrú wani weꞌepika ke, kapichájero rejomi.
21 Palá iꞌijnataka ripéchuwa piyukeja nakaje nakú,
iná kemá nakú, “Kapechuni riká”, ke.
Palani purákaꞌaloji aú iná kaꞌata kiñaja ajopana eꞌiyajé,
nalaꞌakáloje palá penaje.
23 Palá iꞌijnataka ripéchuwa,
weꞌepiri palá nakaje nakú kemakana,
raú rikaꞌata inaꞌuké eꞌiyajé, nalaꞌakáloje nakaje palá penaje.
24 Munumunú jalá pumecha, ke kaja inajlo palani purákaꞌaloji,
iná pechu laꞌakole kaphí raú,
iná laꞌakáloje piño nakaje penaje.
27 Kajrú wani puꞌuwaré laꞌajerí laꞌaká puꞌuwaré;
ripurákaꞌalo aú waꞌató rilaꞌá chapú ajopana.
28 Puꞌuwaré laꞌajerí pachá
inaꞌuké wata pajwaꞌatéchaka nókakano;
eyá kachapújreꞌeke pachá
unká inaꞌuké iꞌimalá palá pajwaꞌatéchaka.