20
Kajrú nakaje jalá amúraꞌatakanami iꞌirakana,péchuna chu iná iphá iná jaꞌapiwá iná purákaꞌalo aú ajopánajlo.
Kajrú mawerúkeꞌecha iꞌimakaño laꞌaká nakaje mapechúwaka.
5 Nakaje iná iꞌijnatákare nakú iná péchuwa, iná laꞌakáloje penaje,
juni yaꞌajná riphuta chu iꞌimakare, ke inajlo riká,
kapechuni iꞌimaká ja kalé weꞌepiri raꞌakana puꞌuwaká majó.
6 Kajrú inaꞌukena kemaño nanakuwá:
“Palá waja nulaꞌaká piyuke nakaje”, ke.
Eꞌiyonaja unká iná iphátala palá laꞌajeñó,
iná pechu iꞌimakáloje nanaku:
“Nemaká nanakuwá chuwá laꞌajeñó wani neká”, ke.
10 Neꞌiyajena ñaꞌañó nakaje kachicha jená, rená ñaꞌajona aú,
eꞌiyonaja unká rená chuwá kalé najñaꞌaká rená.
Re kaja neꞌiyajena ñaꞌañó nakaje jená raꞌarú chojé,
eꞌiyonaja unká kaja richuwano kalé najñaꞌaká rená.
Ilé ke nalaꞌaká aú, nakánakaloje richaje liñeru najluwa.
Unká wani Tupana wátala iná laꞌaká ñaké.
15 Kajrú wani kapechúruna purákaꞌalo wemí.
Piyukeja oro, nakaje palá nojé,
kawemí nojé wani marí ejaꞌawá chu iꞌimakare wemí,
ejé kaja napurákaꞌalo wemí.
19 Unká kachapújreꞌeke yurila nakaje remaꞌakare iꞌimaká ripechu nakuja.
Ñakele paraꞌaniño kachapújreꞌekena nakú.
20 Puꞌuwaré raraꞌapá nakú puraꞌajero, na raló nakú kaꞌajná,
takaꞌajeri kalajeruni, kajrú wani keroꞌótaka inajlo chu.
30 Apala ke iná yurino iná liyó puꞌuwaré laꞌakaná,
iná amákale chapú kaje yajwé.
Rejomi palá iná pechu, iná laꞌakáloje palá penaje.