11
Unká wani paala Tupánajlo inaꞌuké ñaꞌakachu nakaje jená,rená ñaꞌakó jaꞌapejé, nataꞌakáloje ajopana raú penaje.
Eyá palani rijló najñaꞌakachu nakaje jená richuwano,
rená ñaꞌakó lokópaꞌala.
2 Laꞌañó nanakuwá kajrú nakaje nakojé weꞌepéjeño ke mapeja,
jaꞌapí unká wani na iphálaje.
Eyá laꞌañó nanakuwá mapeja iꞌimakaño,
kejlo Tupana aꞌajé weꞌepíkaje.
3 Kewákaje purákaꞌaloji chuwá palá laꞌajeño laꞌá nakaje;
eyá pajlákachina kapichátaño nekó napurákaꞌalo aú ja.
9 Mapeja chapújneꞌekena purákaꞌalo kapichátaka ajopana inaꞌukena;
eyá palá laꞌajeñó purákaꞌalo iꞌimatari ajopana kapichákajo liyá.
11 Palá laꞌajeñó puraꞌakole palá inaꞌuké nakú,
nalaꞌajla pajimila raú;
eyá puꞌuwaré laꞌajeñó purákaꞌalo kapichátarijla riká pajimila.
13 Kachapújreꞌeke iꞌimari piyuke nakaje
remaꞌakare yukuna apujlo, apujlo ke;
eyá weꞌepiri mékechamika nakaje nakú kemakana,
unká iꞌimalá mapeja yuku ajopánajlo,
riweꞌepíkale unká paala ñaké, raú ripechu nakuja riká.
17 Inaꞌuké wani iꞌimaká ajopana waꞌaté, laꞌarí rikó palá raú;
eyá chapú ajopana laꞌajeri, laꞌarí kaja rikó chapú raú.
22 Inanaru, palaru wani, unká kemachi pechu iꞌimalayo,
iꞌimayo anillo, oro nakiyá laꞌakanami,
kúwaꞌaro jeꞌerú takú chiyá ke.
25 Aꞌakáchijlo re ñóꞌope nakaje.
Raꞌakale nakaje ajopánajlo aú.
Ajopana aꞌañó kaja rijló nakaje.