6
1-2 Rejéchami Job puraꞌakó piño, rimá:“Najñaꞌakela nakaje jená ñaꞌajona chojé
piyuke chapú kaje yajwé nomákare jená,
kachini wani rená ñaꞌakojla.
3 Keꞌepé juni jalomi turenawa iꞌimakare kachicha,
chaje wani chapú kaje yajwé nomákare jená ñaꞌakojla.
Ñakele nupuraꞌó kewaka nakaje nakú, nuweꞌepíkale palá mékeka riká.
8 Apala Tupana aꞌajé nojló nakaje nukejáꞌakare riliyá;
apala raꞌajé nojló nakaje nuwátakare raꞌaká nojló.
9 Apala re kaꞌajná chuwa Tupana pechu nakú nukapichátakana.
10 Ñaké riꞌimakela nojló, palá wani nupechu iꞌimakajla,
kajrú wani nomákale chapú kaje yajwé.
Kaja ñakeja wani nuphájika Tupana,
unká laꞌalá puꞌuwaré, purákaꞌalo jaꞌapí.
11 Kaja chuwa unká nutejmú iꞌimalá nojló,
nujñaꞌakáloje re joꞌó kaja chapú kaje panaku.
Unká na nulaꞌakáloje kalé nuꞌumajla re joꞌó kaja marí ejaꞌawá chu.
25 Unká meke laꞌajé apú kemalajla ajopana nakú:
‘Mapeja napuraꞌakó’, ke, kewaka nemakachu nanaku.
Eꞌiyonaja iká kemíchaño nunaku: ‘Puꞌuwaré laꞌajerí riká’, ke.
Unká na penaje ilé ke imíchaje nunaku iꞌimalá,
unká kewaka kalé riꞌimakale”,
ke Job kemaká najló.