6
Kaja paꞌu kele jarechí ketánacha Salomón iꞌimaká neꞌemakana, rejéchami nakeñoꞌoká Tupana ñakaré laꞌakana. Kaja 480 jarechí cha neꞌemaká, naꞌajútaya michuna jáchoꞌoko Egipto teꞌeré eyá iꞌimaká ejomi. 2 Veintisiete metros ketana riwapherecha iꞌimaká; nueve metros ketana richítaka iꞌimaká; trece metros y medio ketana yenuka riꞌimaká. 7 Riká Tupana ñakaré nalaꞌakare, nalaꞌá piyuke jipa awatákanami aú waja piyuke.11 E Tupana puraꞌaró piño Salomón waꞌaté, rimá rijló: 12 “Pemaꞌajika ee palá piyuke nupurákaꞌalo jaꞌapiyá, pilaꞌajika ee piyuke rimaká ke, e nulaꞌajé pijló piyuke nakaje numaká pinaku paraꞌapá Davidjlo iꞌimaká ke. 13 Raú nuꞌumajé kaja piyuke nuleꞌejena inaꞌukena waꞌaté marí pají, pilaꞌakare nojló chu. Unká wani nuyurílaje neká”, ke Tupana kemaká rijló.
14 Júpija najápaka Tupana ñakaré laꞌakana nakú. Salomón wakáraꞌajika neká ke nalaꞌajíkano nakaje. Kaja ewaja nañapata riꞌimaká.