Tupana wakáraꞌaka jeína ajmaꞌaká neká yukuna marí
21
4 E Israel lakénami jaꞌapá piño ipuré Hor eyá. Reyá namataꞌá ají ke juni jalomi Kerálani lokoꞌopánejo, rewá nachipúkaꞌakaloje Edom teꞌeré nakojé penaje. E kaja náchoꞌo reyá, kaja ewaja nayaꞌó ají ke chiraꞌakano nakú. 5 Raú napuraꞌó piño puꞌuwaré Tupana nakú, Moisés nakú waꞌaté. Nemá Moisesjlo:—¿Naje chi jáchoꞌota ta weꞌemaká Egipto teꞌeré eyá iꞌimaká, ikapichátakaloje weká maárowa desierto ta eꞌiyowá penaje? Unká juni iꞌimalá wajló, unká kaja aꞌajnejí iꞌimalá. Kaja wayaꞌó rikaja aꞌajnejí ta ajñakana nakú. Kaja puꞌuwareni wani wajló riká ta —ke nakhaꞌaká Moisés.
6 Ilé ke napuraꞌakó pachá Tupana wakáraꞌa jeína yuriná wani ajmaꞌaká neká. Kajrú nanakiyana takaꞌatako raú. 7 Rejéchami neꞌejnaká piño Moisés waꞌaté puraꞌajó. Nephaka rinaku ee, nemá rijló:
—Waliꞌichá piño puꞌuwaré wani Tupánajlo, wapuriꞌichákole piño puꞌuwaré pinaku, Tupana nakú waꞌaté. Eko pimá rijló, raꞌapátakaloje jeína waliyá penaje.
—Pilaꞌá pajluwaja jeí jenami. Ajmaꞌañó neká nakojé pilaꞌajé renami, rejomi pipatoꞌotaje riká aꞌawaná pitáraꞌatajikare nakojé. Jeí ajmaꞌajika kewá neká, nayakáꞌajono renami chaje, raú neꞌemajó richiyá.
9 E Moisés laꞌarí pajluwaja jeí jenami pejruꞌuwá nakiyá. Rejomi ritáraꞌata pajluwana aꞌawaná, rinakojé ripatoꞌotákaloje renami penaje. Jeí ajmaꞌajíkare kewá yakáꞌakerono richaje, raú riꞌimakó richiyá.