17 Faraón yurika Israel lakénami jáchoꞌoko Egipto teꞌeré eyá iꞌimaká wakajé, unká Tupana wáꞌala neꞌemaká puꞌukuja Canaán teꞌeré ejo, ripechu iꞌimakale: “Nuwáꞌakela neká puꞌukuja filistéona apu chuwá, nenókojla najwaꞌaté naꞌapákajla nateꞌeré ewá aú, raú kaꞌajná napechu laꞌojla ujwí. Raú napaꞌojla napumí chuwá ají ke Egipto teꞌeré ejo piño”, ke. 18 Ñakele Tupana chipúkaꞌatari neꞌemaká, ají ke juni jalomi Kerálani (Mar Rojo) ejo, iñeꞌepú iꞌijnakare rejo chuwá. Suráana jaꞌapaka pajñakani ke náchoꞌoko reyá. 19 Náchoꞌoko reyá iꞌimaká wakajé, Moisés ñaꞌarí José michú aphinami rijwaꞌató. Unká chiyó José takaꞌá iꞌimaká, rimá ajopánajlo: “Tupana aꞌajika iñathé jáchoꞌokoloje maáreya wakajé, ijñaꞌajé nophínami ijwaꞌató”, ke, raú nemaꞌá raꞌapiyá iꞌimaká.