Sara takaꞌaká yukuna marí
23
1-2 Kaja ciento veintisiete jarechí cha Sara iꞌimaká wakajé, rutakaꞌá iꞌimaká. Pajimila Hebrón e rutakaꞌá, Canaán teꞌeré nakú. Kajrú wani Abraham iyaka ruꞌumaká micholo; júpija nalaꞌaká nawinano. 3 Kaja ewaja ráchoꞌo rutami awaꞌayá, riꞌijnakáloje hitítana chaje. Riphaka nanaku ee, rimá najló:4 —Ajopana teꞌeré eyaje nuká maare ijwaꞌaté, eꞌiyonaja nuwata ilaꞌaká nojló nakaje. Nuwata teꞌerí, nakaꞌakare chojé támijimina, warúwaꞌakana iliyá, notoꞌotákaloje richojé nuyajalo micholo tami.
5 Raú hitítana nakiyana kemaño rijló:
6 —Pilaꞌá wajló nakaje, pemaꞌá waꞌapiyá. Maárowa weꞌiyá piká, Tupana iꞌiwapakare rijluwa, ñakele pitoꞌotiya piyajalo micholo tami waleꞌejé támijimina toꞌotákelana, palani pamájikare chojé. Unká wanakiyana mejñátalaje piliyá naleꞌejé támijimina toꞌotákelana.
19 Rejomi Abraham toꞌotari Sara micholo tami ulawí, jipa eꞌiyá iꞌimakare chojé.