21 Sesenta y cinco jarechí cha Enoc iꞌimaká wakajé, riꞌirí Matusalén mothoꞌorí iꞌimaká. 22 Palá wani Enoc pechu iꞌimajika Tupana nakú; rilaꞌaké Tupana wátaka ke. Riꞌirí Matusalén mothoꞌoká iꞌimaká ejomi, riꞌimá jupi ejaꞌawá chu, trescientos jarechí riꞌimaká rejomi. Rejomi riyani ajopana iꞌimaño kaja inaana, achiñana waꞌaté. 23 Trescientos sesenta y cinco jarechí ketana riꞌimaká ejaꞌawá chu. 24 Rilaꞌajíkale palá Tupana wátajika ke aú, Tupana wáꞌari riꞌimaká kajmúyaja, puꞌukuja jeꞌechú chojé. Rejomi namá meñaru rapumí iꞌimaká.

25 Ciento ochenta y siete jarechí cha Matusalén iꞌimaká wakajé, riꞌirí Lámec mothoꞌorí iꞌimaká.

26 Eyá ciento ochenta y dos jarechí cha Lámec iꞌimaká wakajé, riꞌirí Noé mothoꞌorí iꞌimaká.

32 Noé iꞌimari quinientos jarechí ejaꞌawá chu iꞌimaká wakajé, rejomi riyani Sem, Cam, Jafet, kele mothoꞌoñó iꞌimaká.