—Neʼe,

kundeʼa‑n xa.

2 N‑xeʼen‑da nuu‑tɨ te n‑xini‑da ɨɨn caballu kuixi yodo ɨɨn se neʼe ɨɨn kuxi.

N‑niʼi‑s ɨɨn corona.

N‑kee‑s xa juan jantnaʼa‑s xiʼin ñayiu te ndaku‑s nuu‑i.

3 Ijan dada n‑ndata tkolelu jan ɨnka xa ndedi yuʼu tutu tuniʼno jan te dɨuni ndenee sellu.

Te n‑teku‑da xa n‑jaʼan ɨnka kɨt dana kaa jan.

N‑jaʼan‑t:

—Neʼe,

kundeʼa‑n xa.

4 N‑xeʼen‑da nuu‑tɨ te n‑xini‑da xa n‑kee ɨnka caballu.

Caballu kueʼe kuu‑t,

te dɨuni ɨɨn seyɨɨ yodo‑tɨ.

N‑taʼu tniu nuu‑s xa kada‑s xa ma kutuu mani ka ñayiu ñuñayiu.

N‑taʼu tniu xa na kada‑s xa kaʼni tnaʼa ñayiu.

Niʼi‑s ɨɨn espada kaʼnu.

5 N‑ndata ntuku tkolelu nuu ndenee sellu kuu uni.

Ijan te n‑teku‑da xa n‑jaʼan ɨnka kɨt dana kaa jan.

N‑kana‑t:

—Neʼe,

kundeʼa‑n xa.

N‑xeʼen ntuku‑da te n‑xini‑da ɨɨn caballu tnuu yodo ɨnka ntuku seyɨɨ.

Ndaʼa kuaʼa‑s neʼe ɨɨn kokuʼa.

6 Meʼñu nkoon kɨt dana xndaa jan n‑teku‑da xa n‑jaʼan ntuku:

—Xa jenyaʼu ɨɨn seyɨɨ xa kidatniu‑s ɨɨn kɨu yaʼu ɨɨn litro trɨu.

Dani yaʼu uni litro cebada.

Maxku datɨu‑n aciti xiʼin vinu na ñaʼa nkaa yaʼu.

7 N‑ndata ntuku Ia ijan nuu ndenee sellu kuu koon.

Ijan te n‑teku‑da xa n‑jaʼan ɨnka kɨt dana kaa jan.

Kɨt kuu koon kuu‑t.

N‑kana‑t:

—Neʼe,

kundeʼa‑n xa.

8 N‑xeʼen ntuku‑da te n‑xini‑da ɨɨn caballu nyaa yodo ɨɨn ñayiu.

Ndɨyɨ nani‑i.

Yata Ndɨyɨ jan ndijun nuu ka xe konduxi ndɨyɨ.

Te n‑taʼu tniu nuu‑i xa taxnuni‑i ɨɨ́n parti ñuñayiu te n‑kendoo uni parti.

Kada‑i xa kuú ñayiu taxnuni‑i nuu‑i.

Jantnaʼa dava ñayiu ijan te kaʼni tnaʼa dava‑i.

Dava‑i kuú doko.

Dava‑i kuú kueʼe ndeʼe,

te dava‑i kaʼni ñaʼa kɨtɨ ndeʼe xndaxio yuku.

9 Nu n‑ndata‑ia nuu ndenee sellu kuu oʼon,

n‑xini‑da anu ñayiu n‑ka xiʼí xa n‑ka jandixa‑i Ianyuux xiʼin xaxeʼe xa n‑ka jaʼan‑i tnuʼu‑ia nuu ñayiu.

Kaʼa ɨɨn altar xyuku‑i.

10 Xee ka jaʼan anu jan.

Ka jaʼan‑i:

—Taa‑ro Ianyuux,

Ia jaʼan ndaa jaʼan kuiti,

Ia taxnuni nuu ntdandituʼu xa io.

¿Nakɨu nañuu dayaʼa‑n juxtixia ñayiu ñuñayiu n‑ka xaʼni ñaʼa na kuaʼa na ndenaa xa n‑ka kida ñaʼa koio‑i?

11 N‑xiaʼan‑ia ɨɨn ɨɨn dijun kuixi te kani anu jan.

N‑jaʼan‑ia nuu‑i xa na ndetatu naʼi koio‑i itaʼu ka.

Ndena kuú ndɨʼɨ ñayiu ka kuu ñani tnaʼa‑i ka xinokuechi nuu‑ia ná n‑ka xiʼí mee‑i,

ijan dada dandenaa‑ia.

Ñani‑ro kuu tnaʼa ntdaa‑ro xa ka kuu‑ro ñayiu ka kukanu ini Jesucristu.

12 Nu n‑ndata‑ia nuu ndenee sellu kuu iñu,

n‑xini‑da xa yo ndeʼe n‑kɨdɨ ñutnaa ñuñayiu.

N‑ndutnuu nuu ngandii.

Ná kaa idi nchiva tnuu kunchi kaa‑ia.

N‑ndukueʼe nuu yoo.

Nanga kaa nɨñɨ kaa‑ia.

13 N‑ka junkoio chudini xndaxio andɨu nuu ñuʼu.

Ná ka junkoio higo yɨʼɨ hora kane ndeʼe tachi n‑ka junkoio‑tɨ.

14 N‑ndoñuʼu andɨu.

Ná kuu xa natuniʼno ɨɨn tutu daa n‑kuu xa n‑natuniʼno andɨu.

Te ntdaa yuku n‑dama nuu xtuu‑i.

Dani isla n‑dama nuu xndaa niʼno‑i.

15 N‑ka kɨuvaʼa se ka taxnuni ñuñayiu,

se ka kunxaʼnu,

se ka taxnuni nuu ɨɨn mil soldado du yau xndii tnduu xiʼin kaʼa toto xndatuu yuku.

Dani n‑ka kida ñayiu unu kuika xiʼin se ka kidatniu duʼa nuu xtoʼo‑s,

ñayiu ña yoo xtoʼo du.

16 Te ka xiaʼan ñayiu ijan nuu tnduu xiʼin toto jan:

—Ndua ndodo ñaʼa koio chi yo ka kiti ini Ia nukoo nuu silla kaʼnu xiʼin tkolelu xa maxku kundeʼa ñaʼa ka‑ia.

17 Duʼa ka xiaʼan koio‑i chi n‑xee kɨu kada uʼu‑ia‑i xaxeʼe xa n‑kiti ini‑ia nuu‑i te mayo‑i kaku.