N‑nandoto Jesús
24
Kɨu kixeʼe semana,
ntanene ka xneʼe‑ña perfume xiʼin yuchi xeʼen vidi n‑ka kida tuʼa‑ña juaʼan ntuku yau kava nuu n‑kaa niʼni Jesús.
2 Nu n‑ka xee‑ña ijan,
te n‑ka xini‑ña xa xá n‑xikojuiin yuú tkute kaʼnu ndiʼu yau kava.
3 N‑ka kɨu‑ña xiti kava jan,
te ña n‑ka naniʼi‑ña Jesús.
Ijan dada n‑ka ndee‑ña.
4 Ñayo‑ña n‑ka kutnuni ini nax n‑kuu.
Mee ni xa n‑ka xani ini‑ña nax n‑yaʼa.
Danaa xnii uu ángel nuu xnii‑ña.
Xniʼno‑ia daʼma diñu.
5 Xaxeʼe xa n‑ka yuʼu‑ña,
n‑ka xe juiin xiti‑ña nuu‑ia.
Te ka xiaʼan‑ia:
—Maxku ku nanduku koio‑n Ia n‑nandoto nuu kaa ndɨyɨ.
6 Ña yoo‑ia.
N‑nandoto‑ia.
Najaʼan koio nax n‑jaʼan‑ia na ta kee ka‑ia distrito Galilea.
7 N‑jaʼan‑ia xa mee‑ia,
Ia kuu ñayiu,
io xa kada ɨɨn se kada xa tnɨɨ ñaʼa se loko.
N‑xio xa nkuitakaa dika‑ia.
N‑xio xa nandoto‑ia kɨu kuu uni.
8 Te n‑ka najaʼan‑ña tnuʼu n‑jaʼan‑ia.
Ángeles en la Tumba
9 N‑ka xiko‑ña te n‑ka xian tnuʼu‑ña uxi ɨɨn se n‑dakuaʼa ñaʼa Jesús xiʼin dava ñayiu nax n‑yaʼa yau kava.
10 Ɨɨn ñá jan nani María Magdalena.
Ɨnka‑ña nani Juana.
Ɨnka‑ña nani María.
Dɨʼɨ Jacobo kuu ñá yaʼa.
N‑ka xian tnuʼu ñá ijan xiʼin dava ka ñadɨʼɨ n‑ka xeʼen ijan uxi ɨɨn‑s xijan.
11 Ñayo‑s n‑jandixa.
N‑ka xani ini‑s xa ña n‑ka jaʼan ndaa‑ña.
N‑ka xani ini‑s xa n‑ka jaʼan lilu‑ña.
12 Nu n‑teku Spedru,
te n‑kee‑s.
N‑kendava‑s.
Juan kotoniʼni‑s yau kava jan.
N‑xajan nenuu‑s,
te n‑xini‑s xa mee nga daʼma linu n‑ñuduku Jesús yuku.
N‑yuʼu‑s.
N‑xiko‑s,
te juan nuʼu‑s Jerusalén.
La Tumba Está Vacía
Ndatnuʼu Jesús xiʼin uu se Emaús
13 Kɨu ni ijan ka ndixi se n‑dakuaʼa ñaʼa Jesús ñuu luchi nani Emaús xa n‑ka xeʼen‑s Jerusalén.
Naxa uxi kilómetro neʼe Jerusalén xiʼin Emaús.
14 Ka ndatnuʼu‑s ntdaa xa n‑yaʼa.
15 Nɨni ka ndatnuʼu‑s xijan,
n‑kendita Jesús,
te n‑xika‑ia xiʼin‑s.
16 N‑kida Ianyuux xa ñayo‑s n‑najini Jesús.
17 Te xiaʼan‑ia nuu‑s:
—¿Nax ka ndatnuʼu‑n nɨni ka xika‑n?
—Ntdaa ñayiu xtuu Jerusalén n‑ka teku xa n‑yaʼa,
¿nax kuu xa ña n‑teku‑n xa n‑yaʼa?
19 Te xiaʼan‑ia:
—¿Nax n‑kuu?
Ka xiaʼan‑s:
—Ka ndatnuʼu‑da nax n‑yaʼa Jesús,
se Nazaret,
se n‑jaʼan nuu ñayiu xa n‑jaʼan Ianyuux.
Vaʼa n‑kutnuni ini‑s tnuʼu‑ia,
te vaʼa n‑kida‑s tniu‑ia.
Dɨuni vaʼa n‑kida‑s ñayiu.
20 Ka ndatnuʼu‑da janda n‑ka kida dutu ka taxnuni nuu‑da xiʼin dava se Israel ka taxnuni nuu‑da xa n‑tnɨɨ ñaʼa juxtixia romano,
te janda n‑ka tekuechi ñaʼa‑s xa n‑xe kodo uʼu‑s te n‑xatakaa dika ñaʼa‑s.
21 Ntdaa daña,
ñayiu Israel n‑ka ñu ini xa dayaa ñaʼa‑s nuu se Roma n‑kuu.
Kuiti ndaa xa daa kada‑s na n‑jaʼan‑s chi vitna n‑chitu uni kɨu n‑xiʼí‑s.
22 Dɨuni kueʼe xa n‑ka xani ini‑da xa n‑ka jaʼan dava ñá xndeka tnaʼa xiʼin‑da xa n‑nandoto‑s.
Neʼe datne vitna n‑ka xeʼen‑ña yau kava nuu n‑xe konduxi‑s,
23 ko ñayo‑ña n‑naniʼi‑s.
N‑ka xiko‑ña te n‑ka najani‑ña xa n‑kida Ianyuux xa n‑ka xini‑ña ángel,
ia ka xinokuechi nuu‑ia.
N‑ka jaʼan‑ia xa n‑nandoto‑s.
24 Te n‑ka xeʼen dava se ka kunduu xiʼin‑da yau kava te n‑xetnaʼa tnuʼu n‑ka jaʼan‑ña.
Dani mee‑s,
ñatu n‑naniʼi ñaʼa‑s.
25 Te xiaʼan Jesús nuu‑s:
—Naka uʼu ka kutnuni ini‑n.
Naka kuee xa kuee ka jandixa‑n ntdaa tnuʼu n‑ka chidotnuni se n‑ka jaʼan tnuʼu Ianyuux nuu ñayiu.
26 ¿Nax kuu xa ña ka kutnuni ini‑n xa n‑xio xa ndaʼu yaʼa Cristu,
te ndadakaʼnu ñaʼa Ianyuux?
27 Te n‑dakuaʼa‑ia‑s.
N‑kakuneʼe‑ia ntdaa tnuʼu Ianyuux xyodotnuni kakuneʼe ñaʼa.
N‑kixeʼe‑ia xa kakuneʼe‑ia tnuʼu n‑chidotnuni Moisés xiʼin tnuʼu n‑ka chidotnuni se n‑ka jaʼan tnuʼu Ianyuux nuu ñayiu.
Ijan dada n‑kakuneʼe‑ia dava ka tnuʼu Ianyuux kakuneʼe ñaʼa.
28 Te n‑ka kuyatni‑ia xiʼin‑s ñuu juan ndixi‑s,
te n‑kida nga‑ia xa jɨʼɨn ka‑ia.
29 Te juexa n‑ka jaʼan‑s nuu‑ia xa ndoo‑ia xiʼin‑s.
Ka xiaʼan‑s:
—Na ndoo‑ro chi juan keé ngandii.
Te n‑kɨu‑ia veʼe‑s.
30 N‑nukoo‑ia xa kaxdini‑ia xiʼin‑s.
N‑tnɨɨ‑ia ɨɨn tila,
te n‑xijan taʼu‑ia nuu Ianyuux.
N‑taʼu‑ia tila jan,
te n‑dakexio‑ia.
31 Te n‑kida Ianyuux xa n‑ka najini‑s‑ia.
Danaa n‑ndoñuʼu‑ia.
32 Te ka xiaʼan tnaʼa‑s:
—Naka vichi n‑kuu anu‑ro xa kutnuni ka ini‑ro tnuʼu Ianyuux na n‑ndatnuʼu‑ro xiʼin‑ia te n‑kida‑ia xa kutnuni ini‑ro tnuʼu Ianyuux na ndeka tnaʼa‑ro xiʼin‑ia juan ndixi.
33 Te hora ijan ni n‑ka ndojuiin‑s.
N‑ka xiko ntuku‑s.
Juaʼan koio‑s Jerusalén.
N‑ka kɨu‑s veʼe nuu xyuku uxi ɨɨn se n‑dakuaʼa ñaʼa Jesús xiʼin dava ñayiu n‑ka xo kandijun ñaʼa.
34 N‑xian tnuʼu ñayiu xyuku ijan se Emaús jan xa n‑nandoto Jesús,
Ia kuu Xtoʼo‑ro,
te n‑xini ñaʼa Simón.
35 Te n‑ka najani mee‑s naxa n‑yaʼa ichi ka nuʼu‑s.
Dɨuni n‑ka najani‑s xa n‑taʼu‑ia tila,
te dana ini n‑ka najini‑s‑ia.
N‑xee Jesús nuu xyuku ñayiu n‑dakuaʼa‑ia
36 Nɨni ka najani‑s xijan nuu ñayiu xyuku ijan,
danaa nujuiin Jesús meʼñu‑i ntdaa‑i.
N‑jaʼan‑ia:
—Vaʼa nga taʼu kuu koio‑n.
—¿Nakuenda ka yuʼu‑n?
¿Nakuenda ka chi ini‑n?
39 Kundeʼa koio ndaʼa‑r.
Kundeʼa koio xeʼe‑r,
te tnɨɨ ñaʼa koio xa na kutnuni ini‑n xa mee‑r kuu Jesús chi nu anu n‑kuu‑r ma koo yɨkɨ‑r,
ma koo kuñu‑r;
ko io kuñu‑r,
io yɨkɨ‑r —kuu‑ia,
xiaʼan‑ia.
40 Ijan dada n‑dandeʼa‑ia‑i ndaʼa‑ia,
xeʼe‑ia,
41 ko ñatu n‑ka jandixa‑i xa mee Jesús nujuiin chi xaxeʼe xa ka yuʼu anu‑i xiʼin xaxeʼe xa yo vichi ka kudɨ ini‑i.
Xiaʼan‑ia:
—¿Io xa kaxi‑ro a?
42 Te n‑ka xiaʼan‑i‑ia dava chaka n‑tau.
43 N‑tnɨɨ‑ia‑tɨ,
te n‑ka xo ndeʼa‑i xa n‑xaxi‑ia‑tɨ.
44 Te xiaʼan‑ia:
—Na n‑xo tuu‑ro,
n‑jaʼan‑r nuu‑n xa:
“Io xa jɨn tnaʼa ntdantuʼu tnuʼu Ianyuux kakuneʼe ñaʼa n‑chidotnuni Moisés xiʼin xa n‑ka chidotnuni se n‑ka kidavaʼa Salmos.”
—Xyodotnuni xa io xa ndaʼu yaʼa ruʼu,
Ia kuu Cristu,
te nandoto‑r kɨu kuu uni.
47 Xyodotnuni xa io xa tundaʼa ñaʼa‑r jɨʼɨn ntdantuʼu ñuu ñuñayiu xa jaʼan koio‑n nuu ñayiu nax io xa kada‑i xa na natu ini‑i xa n‑ka kida‑i kuechi,
te taxkanu ini ñaʼa Ianyuux.
Io xa duʼa kada koio‑n kiʼna ka Jerusalén.
48 N‑ka xo ndeʼa‑n xa n‑xetnaʼa tnuʼu xyodotnuni.
Juña tnuʼu koio xaʼa dava ka ñayiu.
49 N‑taxi Taa‑ro Ianyuux tnuʼu‑ia xa taxi‑ia ɨɨn xa taxi‑ia ndoʼo ɨɨn ɨɨn‑n.
Tundaʼa‑r xijan,
ko kundetu koio‑n ñuu yaʼa,
te dani kundetu koio‑n hora na kada Ianyuux xa kuaʼa koio‑n xa kada‑n tniu‑ia —kuu Jesús,
xiaʼan‑ia nuu‑i.
Aparece Jesús Resucitado
Juan ndaa Jesús andɨu
50 Nu n‑xika kɨu,
te ndeka‑ia ñayiu juaʼan yuʼu ñuu Betania,
te n‑dandaa ndaʼa‑ia andɨu,
te n‑xijan taʼu‑ia nuu Ianyuux xa na chindee chituu ñaʼa‑ia.
51 Nɨni duʼa jaʼan‑ia nuu Ianyuux,
juan ndaa‑ia andɨu.
52 Te n‑ka nakuetu‑i nuu‑ia nɨni juan nuʼu koio‑i Jerusalén.
Yo n‑ka kudɨ ini‑i.
53 Te n‑ka xo xeʼen‑i veñuʼu Jerusalén xa n‑ka xo nakuetu‑i nuu‑ia.
Xaʼa kuu tnuʼu n‑najani daña,
Sluka nuu‑n,
Ta Teófilo.
La Gran Comisión y Ascensión
Invitación para Conocer Personalmente a Jesús