Fei manumanu opaꞌai, fei na faꞌarewaia mei Haidaa aꞌa John, fei na neꞌi wagii fei au rona haperaraiaa ei rona narafaweꞌi ba Jesus Christ, hia Fasu. Mei neꞌia fi fani oꞌonaia unu ma unuwenuwea ba ronei oafagugu ua wagii ei fiꞌia ma haperaraia.

Namina rata ei haduo laloo feni buꞌu, ei ba uniaa ei narafaweꞌia wagii fei arewaa fei, rona apaꞌia, maꞌuaa aꞌa hefiꞌadiai na udeꞌopaꞌai.

Maꞌuaa fei paꞌaa baua warewarea lalona, sifei ba aꞌa Christ, mei hia Fasu, mei Haidaa i powe muaipedugaa minaa ei bidibidii ununa fipuinaa Satan maꞌuaa aꞌa ei ramaꞌaa gufuna, ei rona oafagugu i fanaa fei manufau haroo pafea ma fei manufau malagufu.