Feni, faguapaloaa neꞌiaa Paul aꞌa Timothy, mei rafirafina aꞌa fei bigiꞌa ma paniaa panina, fi aweinia ba inei wewea uꞌugaa Jesus Christ, nei urofaa fei faꞌua feroiaa fei rawaniꞌa warea ma fei rawarawa fiꞌugaia, fei hesuwi fei Buꞌu Apuna ma nei bigiꞌaa fei bigiꞌana feroia ma uꞌugaa fei rawaniꞌa warea aꞌa hepapalo gufu.

Paul ana na aweinia ba ineiꞌaa waduꞌai aꞌa ei poapoa fihareia, ei i fafeloaa ei rona guainia, maꞌuaa nei neneraa ei mau gutanana—fei narafaweꞌiana, apitaiana, haguana, ofasisiana ma fei fiꞌiana wagii fei haperaraia.