Timothy, hia hemea manufau narafaweꞌia. Inana Jew ma amana Greece. Hia tafii Paul ma ana paniaa panina. Feni, fei rawarawa neꞌiaa Paul aꞌana.

Fei neꞌiana fi warewareaa odumanu manumanu. Hepalo ifi aweinia aꞌa ei sifisifi feroia laloo fei losuu. Fei feroia na fihafuinaa naranaraa ei Jew ma ei abaa Jew, fei ba feni ano wagieni namina hafelo ma fei telaꞌana i nomai wagii hefaa mau apaꞌa aleꞌei ba ei ramaꞌa nei farapa aꞌa fei lalaia ma hefiꞌa mau duꞌua.

Hepalodiai ba fei mau losuia ma batanai fataleaa fei losuu ma maumau ei famamoaa fei losuu mawe ei paniaa pani.

Rafirafii guapaloei, Paul na warefaweꞌi aꞌa Timothy ba batanai i oanaa rawaniꞌa nafii Jesus Christ wagii fei bigiꞌa, fei na udenaa panina aꞌa ei gupuu ei narafaweꞌia.