Natëtëngëd Tung Durua NGa Tauan Ang Pamangërëngan Tung Dios Ang Pamagpaingmatuud Tung Mga Tau (11:1-14)
11
Taa numanyan,
may sasang panukat ang maninga bastun ang ipinakdul tung yëën ang para ipanukatu.
Pagkatapus dayunaw rang tinuw̓ul yang Dios ang inaning,
“Ala,
magpanawa ra.
Sukatën mu ra yang pagtuuan tung yëën ang pinakalusu pati yang midyu lamisaan ang pagparataw̓ukan ta paamut duun.
Bilangën mu ra ka yang kinadakël yang mga taung pamagtuu tung yëën duun.
2 Piru yang palayas na,
indi mu ra iugpu ang sukatën.
Kipurki tia,
itinug̓utu ra tung mga taung anday pag̓intindi nira tung yëën.
Asta yang siudad ang Jerusalem ang yay pag̓aningën ang sagradu,
itinug̓utu ra ka tung nirang gaëman tung sëlëd ëpat ang puluk may duruang bulan (42)a.
3 Dispuis may durua nga tauan ang mamagpaingmatuud tung mga tau ang pakdulanu ta katëngdanan nirang magpalatay yang bitalaw tung sëlëd san liw̓u may duruang gatus may ënëm ang puluk ang kaldaw (1,260)b.
Yang suut nira,
aw̓ël ang magig̓ilëkc,”
ag̓aaning yang Dios tung yëën.
4 Naa pala yang duruang atia,
mamanulad tung durua nga tauan atiing tukaw ang ipinananglit ni Zacarias tung duruang kapungul yang ayung pag̓aningën ang olibo may durua kang parabdungan ta kaas ang yag bëbtang tung katalungaan yang Dios ang yay Makagag̓aëm tung bilug ang kaliw̓utand.
5 May apuy ang lumua tung nganga nira ang ya ray ikalain yang kumpurming magkuntra tung nira.
Purisu kung tinu pay malëlyag ang manigbak tung duruang atia,
maning tia yang dapat ang mapatayan nira.
6 Dispuis yang duruang atia,
pakdulan yang Dios ta kagaëman nirang magsuspindi tung kuran ug̓ud indi kumuran mintras pamagparakaw̓utun pa tanira yang bitala yang Diose.
Yang pangyadwang kagaëman ang ipakdul na tung nira,
yang mga wai puiding imuën nirang dug̓u.
Yang pangyaklung kagaëman,
maskin unu pang sarutay,
puiding ipadalpët nira tung kaliw̓utan tung maskin unu pang urasay ang malëlyag̓an niraf.
7 Kung matapus da nganing tanira ta pagpaingmatuud nira tung mga tau,
may sasang ayëpg ang duun maglua tung bulalut ang atiing pinakaadalëm ang yay magpakigkuntra ta maayën tung durua nga tauan ang atia ang asta dëëg̓ën nang pangimatayën.
8 Yang mga tinanguni nira asan da ilëm aglalakday tung karsada yang siudad ang dakulu ang puiding ipananglit tung siudad yang Sodoma ubin yang banwang Egipto ubin yang siudad ang pinaglansangan tung ni Ginuu nirah.
9 Pagkatapus tung sëlëd tulung kaldaw may tënga yang mga tinanguni nira nag̓apaniiran da ta maskin unu pang nasyunay ta mga tau ang tag̓a maskin ay pang banwaay ang sari-sari ka yang mga bitala nira.
Indi ra nganing mamagtug̓ut ang ipalg̓ud pa tung lëyang.
10 Natëtëngëd tung kamatayën yang duruang atia,
pamanadyaan da ta duru yang mga taung pamagtinir tung bilug ang kaliw̓utan ang kumpurming pagpaguyud tung sistima nang kuntrang pisan tung Dios.
Ya ra nganing ay silibraën nirang magparakdul-pakdulan ta mga rigalu.
Ay ya pa ag̓ari,
tanira durung pinitinsia ang nagmaan nira natëtëngëd tung duruang atiang mga manigpadapat yang bitala yang Dios.
11 Kung mataklib da nganing yang tulung kaldaw ang atia may tënga,
pamuiën si kang uman yang Dios.
Diritsyung mamagbungkaras.
Kung maita si nganing yang mga tau,
pamalayan da ta ëlëd nirang duru.
12 Pagkatapus yang duruang atia,
may magngël da nirang busis ang dakulu ang liit tung langit ang magbitala tung nirang mag̓aning,
“Taniamu ra tung abwat!”
Pagkatapus may panganud ang mag̓ëkël tung nira tung langit ang ya kag dawalay yang mga kuntrariu nira.
13 Tung uras ang atia,
mayëgyëg da yang kaliw̓utan ta maktël.
Tung sam puluk ang parti yang mga kabalayan tung siudad,
sam parti yang magkaragëw̓a.
May magkaradamay kang pitung liw̓u nga tauan ang magkarapatay tung yëgyëg ang atia.
Yang kadaklan ang mga taung magkaralibri,
pamalayan da ta ëlëd nirang duru.
Purisu dayun dang mamanligna tung mga kasalanan nira ang nunut da ka ta pagdarayawën nira tung Dios ang pagtinir tung langit.
14 Kapurisu tung maning tiang mainabu,
mataklib da yang yadwang pinanganugunan yang kanugi.
Piru kuidaw,
yang pangyaklu makali ra ilëm ang magkakaw̓ut.
Pag̓ëyëp Da Yang Pangyapitung Angil Yang Budyung Na (11:15-19)
15 Taa numanyan yang pangyapitung angil,
ya si ay nag̓ëyëp yang budyung na.
Pagkatapus may mga busis duun tung langit ang durug katutunul ang namagbitala ang mag̓aning,
“Talagang kaw̓utun da ka ëngëd yang uras ang anda ray dumang may gaëm tung bilug ang kaliw̓utan,
kung indi,
ya ra yang Dios mismung pangag̓alënan ta durua yang pag̓aningën ang Cristong pinilik nang magpapanaw tung paggaraëmën nang baklu.
Yay mamaggaraëmën ang asta tung sampang anda ëngëd ang pisan ay katapus-tapusan na,”
mag̓aning.
16 Pagkatapus naang duruang puluk may ëpat nga mamaëpëtan ang kumarungan tung mga kakarungan nira tung katalungaan yang Dios,
kung magngël da nganing nira yang bitalang atia,
ya ra mamagparagpa ang mamagtuu tung anya.
17 Mag̓aning tanira,
“Pagpasalamatami tung nuyung yaway Dios ang makagag̓aëm tung tanan ig disti pa tung katëbtëw̓an,
asana ra kang lag̓i ang asta ra ilëm simanyan.
Yang nag̓apasalamatan ëngëd yamën tung nuyu ta dakulung pagpasalamat ang yang kagaëman mung durug kapuirsa ya ra ka ëngëd ay ipalua mung maggaraëmën ang katulad ka tung pinangakuan mu.
18 Yang mga tag̓a duma-rumang nasyun ang indi kang lag̓ing pamanangëd tung nuyu,
maskin pangasilag da ta duru tung nuyu may tung mga tauan mu,
paunu pa ilëm tanira kung uras dang paitaan mu ra nganing yang kasisilag̓ën mu?
Ay ya ray uras ang ipagpamui mu si kang uman tung mga taung nagkarapatay ra ang para insapuan mu tanira sasa may sasa.
Ya ra kay uras ang yang mga turuw̓ulun mung pinanalig̓an mung magpalatay yang bitala mu ya ray pamakdulan mu ta maning pa tung primyung pag̓ipakdul tung sasang nandëëg tung karira.
Pati yang kadaklan ang binuat mu ra kang mga tauan mung sadili,
bilang yang kumpurming naggalang ta ustu tung nuyung nag̓usuy tung nag̓auyunan mu,
ya ka,
ya ra kay pamakdulan mu.
Maskin aranëk ta pagkabëtang maskin abwat,
parariu ka ilëm ang pamakdulan mu.
Ya ra kay uras ang ipagsintinsia mu tung kalainan ang anday katapus-tapusan na yang kumpurming nagpaligna tung sistima yang mga tau tung maskin ay pang banwaay tung bilug ang kaliw̓utan ang asta namanlipat da tung nuyung namagtuu tung ipinakli nira tung nuyu,”
mag̓aning duun yang mga mamaëpët.
19 Numanyan diritsyu rang nabukaan yang pagtuuan tung Dios duun tung langitj.
Purisu bistu ra duun yang baul ang sasang pinananglitan yang dating ipinagpakigpaig̓u nak.
Pagkatapus,
diritsyu rang nag̓intra kidlat may duldul ang paglëlpakën ang nunut da ka ta yëgyëg yang kaliw̓utan ig may mga yilung darakulu ang mabiw̓ilug ang nagkarabungsad da tung katanëkan.