Yang Paëtad Ni Pablo Natëtëngëd Tung Pagturuw̓urun Ta Kuartang Itaw̓ang Tung Duma (16:1-4)
16
Numanyan kung natëtëngëd tung kuartang nag̓atutuw̓ud ang para itaw̓ang tung mga putul tang mga kinasakpan ka yang Dios ang pangaliwag̓ana,
yamu asan,
usuyun mi yang pariu ka tung ipinaintindiu tung kada sam pundaan yang mga tumatalig duun tung sinakëpan yang Galacia.
2 Bilang kada kaw̓utun yang kaldaw ang Linggub,
sasa may sasa tung numyu,
masigtaluk yang kumpurming masarangan nang italuk ang sikad ka tung nadilëman na tung sëlëd san linggu.
Ya ray buatën mi,
ug̓ud kung kumaw̓utaw ra nganing asan,
anda ray kaministiran ang panguliktaën pa.
3 Dispuis,
kung kumaw̓utaw ra nganing asan,
kung tinu pay pamilikën ming matalig̓an,
ya ray papag̓ëkëlënu yang taw̓ang ming atia duun tung Jerusalem.
May mga sulat pang ipaëkëlu tung nira ang yay magpailala tung nira duun.
4 Piru,
kung midyu magkabag̓ay ka ang pati yuu mangayaw ka duun tung Jerusalem,
tanira pampanuntunu ra ka ilëm tung yëën.
Yang Pagpasanag ni Pablo Natëtëngëd Tung Planu Na Pati Tung Mga Planu Yang Mga Aruman Na (16:5-12)
5 Yang planuu,
bakluaw ra mangay asan tung numyu,
kung napagliliw̓utunaw ra duun tung sinakëpan yang Macedonia.
Ay dapat duunaw ra kanay mag̓angayc.
6 Piru kung kumaw̓utaw ra nganing asan,
kung maimu ilëm tung numyu,
gustuu rin ang manlumunanaw ra kanay asan tung numyu ta mabuay-w̓uay ang asta siguru patakliw̓ënu ra kanay yang timpung pamamalyu.
Ay tung maning tia,
tung pagsaayu si,
puiding mapadag̓ën-dag̓ënanaw ra ka numyu,
kung ariaw si manalunga.
7 Ay kipurki indiaw malëlyag ang mangablasaw ra ilëm asan tung numyu,
kung indi,
gustuung gustu rin ang magpabuay-w̓uayaw ra kanay asan tung numyu,
kung ya ra kay ilug̓ut ni Ginuu ta tung yëën.
8 Piru simanyan taniaw ra kanay ilëm magpadayun tung Efeso ang asta kaw̓utun da nganing yang pistang atiang pag̓aningën ang Pistang Limang Puluk Ang Kaldaw Ang Pinataklibd,
bakluaw ra magsaay.
9 Ay yang nag̓ipagpadayunu pa kanay tani,
pinakdulanaw ra ni Ginuu ta ta lugarung durug tinlu ang para magparakaw̓utunaw ra yang Matinlung Balita tani,
ang kung prusigiranu,
puiding may pakaw̓utun nang durug tinlu.
Yadwa pa duru kang pamagkuntra tani tung bitalang naang nag̓ipagpakaw̓utu.
10 Dispuis kung sanu pa magkaw̓ut asan ti Timoteo,
saptën mi ta matinlung risibiën ug̓ud asan da nga plëkay ta pandalëndënan nae.
Yang ipaggalang mi tung anya,
tanya pagtuman ka tung nag̓ipaubra ni Ginuu ta tung anyang magparakaw̓utun ang katulad ka tung yëën.
11 Purisu kaministiran ang anday maglamku tung anya asan.
Kung indi,
kung kaw̓utun da nganing yang uras ang ipagliit na asan,
padag̓ën-dag̓ënan mi ka ta matinlu tung pagparanawën na ug̓ud sadyaan ka yang isip nang magbalik tani tung yëën ay ya ray nag̓apakbatu ëngëd kasiraanami ra ka yang mga putul ta tanif.
12 Kung natëtëngëd tung putul tang naang ti Apolos,
maskin duru ka rin ang pag̓ërët-ërëtu tung anyang para numunut tung mga putul tang mamansiulik asan tung numyug,
piru indi ra ka ëngëd nag̓alëlyag ang mangay asan numanyan.
Piru kung may rugal na ra nganing,
baklu ra mangay asan.
Yang Ultimung Nag̓ipaprusigir Na Tung Nira (16:13-14)
13 Buinu,
magpaabtikamung pirmi.
Padayunan mi ka yang pagparanangërën mi tung Matinlung Balita.
Magpakabaluramu kang magpakatëntën.
14 Maskin unu pay buatën mi,
asan da ipapanaway mi tung paggërëgmaan ming magpurutul.
Yang Pagpakabëdlay Ang Pagpadag̓ën-dag̓ën Tung Grupu Yay Dapat Ang Ilalaën Nirang Pauyunan (16:15-18)
15 Mga putulu,
may sasang nag̓aingaluku tung numyu.
Nag̓askëan mi ra ka ang tung intirung sinakëpan yang Acayah,
yang tukaw tung tanan ang namagtalig tung ni Ginuung Jesus,
ya ra na Estefanas ang sam pamilya.
Dispuis nag̓askëan mi ra ka ang yang mga sadili nira mismu ya ra kay nag̓ibuluntad nira ang para mamanirbian tung numyung mga kaarumanan nirang mga tumatalig asan.
16 Purisu yang nag̓aingaluku tung numyu,
ilalaën ming pauyunan yang mga taung maning tia yang pag̓urubraën nira.
Pati yang kumpurming pagpakigdamay tung ubrang atiang pagpakabëdlay ka,
ya kai.
17 Duru rag sadya yang isipu tung pagkaw̓ut tani tung yëën na Estefanas ni Fortunato ni Acaico,
ay maskin agpungawënaw ta duru tung numyu,
kabilangan na taniamu ra ka,
ay ëkël tung nirang ipinaangay mi tani,
nabulung da yang kapupungawënung atii.
18 Agsadyaanaw ra ka ay kipurki napalinaynayan da nira yang isipu ang may pinaglingtan na ra rin natëtëngëd tung numyu.
Pati yang mga isip mi siguru nalinaynayan da ka tung pagpaangay mi tung nira tani tung yëën.
Purisu dapat mi kang ilalaën ta mupiang galangën yang mga putul ming mga maning tia yang mga pasais nirang pamanirbian.
Yang Pagtapusan Yang Sulat (16:19-24)
19 Yang tanan ang mga tumatalig ang kada sam pundaan tani tung intirung sinakëpan yang Asia,
pamagpakikumusta asan tung numyu.
Pati ti Aquila duruang magkasawa ni Priscaj,
tëdëk tung mga isip nira yang pagpakikumusta nira tung numyu,
kasiraan da ka tanira yang sam pundaan yang mga tumatalig ang pamagsaragpun tung balay nira tani tung Efesok.
20 Asta yang kadaklan ang mga kaputulan ta tani tung Efeso,
pamagpakikumusta ka asan tung numyu.
Pati yamu asan,
kada magsaragpunamu,
magsarapëtanamu ka ta matinlu bilang magpurutulamu tung ni Ginuu tal.
21 Uay,
yuung ti Pablo ang may sulat taa,
atia ra,
ya ray yëën ang sadiling panulat ang yuu pagpakikumustaw ka asan tung numyum.
22 Kung tinu pay naplëkan da ta gëgma na tung ni Ginuu ta,
talagang maagmaan na yang silut yang Dios ang anday katapusann.
Aay Jesus ang Ginuu yamën,
pakalia rang maglëkat tanio!
23 Buinu,
yang nag̓ipag̓ampuu para tung numyu asan,
ang mas pang maispirinsiaan mi yang kanëëman ni Ginuung Jesus ang pagpadag̓ën-dag̓ën tung numyu.
24 Wai yang gëgmaw tung numyung tanan asan natëtëngëd tung pagpurutulan ta tung ni Jesu-Cristo.
Ya ra ilëm tia ay maaningu tung numyu,
Pablo