Diossa jatiobi mai ibo apo iki
47
¡Jatíbi jonibó, meken tash akanwe!¡Koshin saí ianan rarokin Dios rabikanwe!
2 Ja jatíbibaon kikin koshi Ibo, jaki rakétibires iketian;
jara jatiobi main ani apo iki.
3 Jemabotiibi, itan maibotiibi iká jonibora ras aka iki,
jatianra non yonoti jato imaa iki.
4 Ja noa jatíbitian jayáti maira noa katóxona iki,
janra Jacob rabita iki, ja noiara iká iki.
5 ¡Ibo Diossa, raroi saa ikin trompeta
xoon akanai meranbires, jawen yakátinin yakata iki!
6 ¡Bewakanwe, Dioski iká bewábo bewakanwe! ¡Bewakanwe,
non Apo bewaxonkanwe!
7 ¡Metsá bewábo
Dioski bewakanwe,
já jatibi mai Apo iketian!
8 ¡Diossa maibotiibi iká jonibaon Apo iki!
¡Diossa jawen jakon yakatinin yakata iki!
9 Maibotiibi ikana iresama jonibora,
ja Abrahamman Diossen jonibo betan tsinkíke,
jaskara ikaxa nato netemea maibotiibi iká joni koshibo Diossena iki.
¡Jara jatíbibaon bebon koshi iki!