Keriso Ena ꞌAbi
IBAWAIRA TINANA
Ioane Herenai
Puka Aona Irerena ꞌAbina
Puka neiana hanona rani weiana aꞌikakauma haukia Obiapaka Iesu Keriso teaꞌikakaumana paunai tebahaiara kiꞌanakia aonai ererena. Puka neiana ena poki hanona haiara weiana aonai ia kebataburanakia ba ekia aꞌikakauma aꞌi katehabona. Puka neiana aonai ꞌabi ibabataikia eboꞌo, taba muriai katerama ꞌao aba tirama haukia ꞌabikia ehina. Ibabatai weiakia ekia aka tohana hanona neiana. Iesu Keriso hanona Obiapaka, ba ia imanai Tirama kehore ena ꞌou haukia ikoinai kehao hainakia, mai Satani abomo ua kehaohai aihona. Ba Iesu aka neiakia ikoikiai kebaorenakia hanona Tirama kehore weiakia tekori ꞌini mai ekia aꞌikakauma aꞌi tebaꞌehona haukia ꞌarakia namokia kebenakia. Ia hanona Tirama kipokia katemiaho, puma mai haiara hanona keahaꞌi, pokina Tirama hanona taba ikoikiai kebahaeainakia katemahamaha.
Puka Paipana Apaꞌuakia
a. Roba iahu. (1.1-8)
b. Mahabanai ikaikauna mai marea robe 7 ekia marere. (1.9–3.22)
c. Puka iouna mai ikaiabu hoana 7. (4.1–8.1)
d. Pihi 7. (8.2–11.19)
e. Dragona mai aiahu mahikia rua. (12.1–13.18)
f. Ihakia haeai haeai. (14.1–15.8)
g. Tirama ena opuere puoukia 7. (16.1-21)
h. Babulonia eꞌeho. (17.1–20.10)
i. Bakai apaꞌuana orena. (20.11-15)
j. Kupa, hanopaka, mai Ierusalema mahamahakia. (21.1–22.5)
k. ꞌAbi orekia. (22.6-21)