Marere neiana ena poki hanona rua. Ioane nenuatae aꞌikakauma haukia kebarainakia, weiana ia mai Tirama aika Hamaka, mai Nahuna Iesu Keriso ohi kipokia aokia kehamomo. Ibaruana hanona ia aꞌi nenuatae baiꞌoi haukia timai tiꞌoinakia ekia aꞌikakauma Tirama herenai hauna kateaꞌi parena. Maearima neiakia ekia hoahoa hanona wapurai ṯemiaho ba ṉa tiꞌabi aiho, “Hanopaka neiana tabakia hanona aꞌi tenamo. Iesu hanona Tirama nahuna, ua buonai ia maearimai aꞌi kemai, hanopaka neiana tabakia kipokia aꞌi katemiaho haeamo, aika maearima nahababaina ꞌabana hanona aꞌi ketai ꞌapuana.” Haeamona tiꞌabi, “Maearima ha nenuatae kemiaho harai Tirama herenai raninai, ia hanona hanopaka neiana tabakia aꞌi keaonamo ainakia, weiakia paukiai aona aꞌi kearoꞌari.”

Marere neiana ererena hanona baꞌiobi neiakia aiakia tibahuai haukia nibakiꞌa tohanakia. Ia niꞌabi Iesu hanona emai ia hanona maearima tohana, ba weiakia Iesu tiaꞌikakaumana haukia hanona Tirama katenuataeai tohana mai maearima abomo kateaonamo ainakia.