Marere neiana tererena ena poki hanona aꞌikakauma haukia kehina benakia ia hanona baꞌiobi haukia baiꞌoikia baika robakia aꞌi kateahu ꞌapuana. Ia haukia hanona aba maearima kipokia tibahamomo ekia aꞌikakauma mai ekia miaho maurina namona kateaꞌi kiꞌanakia. Puka neiana nihore maearima nehina benakia ꞌabi weiakia ꞌuainai iuhubeau haukia tebenakia haukia kateaꞌi ꞌininakia, pokina ꞌabi weiakiai ia Tirama mai Obiapaka Iesu Keriso kateꞌiobi harainakia. Iuhubeau haukia hanona mahakiai Iesu teihana abomo haiakiai ena baꞌiobi ꞌabikia aiakia teoꞌo. Maearima baika tiꞌabi Iesu hanona aꞌi kemue aꞌi kemai paunai, puka neiana niꞌabi Iesu hanona kemue kemai toha, iamo bariu beronai aꞌi kemai, weiana anina hana ṉahomana. Tirama hanona nenuataea maearima ikoikiai kateraona kabe, ua buonai ia hanona nibaiꞌima mai bakirona (3.9).