4 Awninqan junaq chämuptinmi Tayta Dios Tsurinta kachamurqan. Payqa noqantsiknö yurishqa karmi tsay leykunapa munaynincho karqan. 5 Tsaynö karqan leykunapa munaynincho kanqantsikpita salvamänantsikpämi. Tsaynöpami paypa wamrankunana kanantsikpä qorimashqantsik. 6 Wamran kashqami Tsurin Jesucristo awninqan Espíritu Santuta^† shonquntsikman Tayta Dios kachamurqan. Espíritu Santumi Tayta Diosta imaypis nin: “¡Abba, Taytallä!”^† 7 Tsaymi wätaynönatsu kantsik, sinöqa Tayta Diospa wamrankunanami kantsik. Wamranna karmi awnimanqantsik herenciata [Jesucristo raykuq] chaskishun.^†

8 Qamkunaqa Tayta Diosta manarä reqirmi mana rasunpaypa kaq dioskunata sirviyarqayki. 9 Kananmi itsanqa Tayta Diosta reqiyanki y paypis reqiyäshunki. Tsaynö kaykaptinqa ¿imanirtä Moisés qellqanqan leykunata cumpliyta munar yapay wätaynö kayta munaykäyanki? 10 Tsaymi qamkunaqa Israel runakuna respitayanqan junaqkunata, killakunata, watakunata y fiestankunata respitaykäyanki. 11 Tsaynö kayaptikimi pasaypa llakikü. ¿Manakaqllapätsurä Jesucristupa willakuyninta qamkunata yachatsishqä? 12 Wawqikuna panikuna, qamkunatami rugä noqa kanqänö qamkunapis kayänaykipä. Noqapis mana Israel runakunanöllami Moisés qellqanqan leykunapa munayninchönatsu kä.^†

Qamkuna allimi chaskiyämarqayki. 13 Musyayanqaykinöpis qeshyaynïpami^† qamkuna kaqcho Jesucristupa willakuyninta willakurqä.^† 14 Tsaynö qeshyaptïpis qarqayämänaykipa trokinmi angeltanörä y kikin Jesucristutanörä rikayämarqayki. 15 Kananqa ¿imatä päsayäshushqayki? Ñöpataqa ñawikikuna jipina kaptinqa jipiskirmi ñawïman churapäyämankiman karqan. 16 Kananqa ¿Jesucristupa willakuyninta yachatsinqäpitaku conträ rikakuyashqayki?

17 Llutan yachatsikuqkuna manami Dios munanqannö alli kawayänaykita munartsu yachaykätsiyäshunki tsaypa trokinqa noqakunata manakaqman churayämar kikinkuna yachatsiyanqanta chaskikuyänaykita munallarmi. 18 Rasunpaypa alli kawayänaykita munar yachatsiyäshuptikiqa allimi kanman. Itsanqa qamkunawan kaykaptïpis o mana kaykaptïpis tsaynölla yachatsiyäshunkiman.

19 Kuyay wamräkuna, Jesucristunö kawayänaykita munarmi warmi qeshyakur ñakanqannö noqapis qamkunapä pasaypa llakikü.^† 20 ¡Shumaq tantiyatsinäpä qamkuna kaqcho imanöllarä rikakuskïman! Karucho karmi ima ruraytapis kamäpakütsu.

21 Moisés qellqanqan leykunapa munaynincho kayta munarqa ¿pay qellqanqankuna ima ninqantapis tantiyayankiku? 22 Tsaychömi nin Abraham ishkay tsuriyuq kanqanta. Jukaq tsurinmi karqan^† wätaynin warmicho y jukaq tsurinnami rasunpa kaq warmincho.^† 23 Wätaynincho kaq tsurinqa manami Tayta Dios awninqan tsurintsu karqan. Warmincho kaq tsurinmi itsanqa Tayta Dios awninqan karqan.

24 Tsay warmikunatami ishkay pactuman tinkutsiypa tantiyatsishayki. Abrahampa wätaynin Agarmi Sinaí jirkanö kaykan. Sinaí jirkachömi Israel runakunawan Tayta Dios pactuta rurar leyninkunata qorqan. Tsaymi pipis tsay leykunapa munaynincho kar wätaynö kaykan. 25 Arabiacho Sinaí jirkanömi Agar kaykan. Tsaynöllami Jerusalénpis y wamrankunapis kaykan.^a Tsaynö kaykäyan Moisés qellqanqan leykunapa munaynincho karmi. 26 Abrahampa warmin Saranami Tayta Dios ruranqan mushuq pactunö kaykan. Tsay pactuta Tayta Dios cumplir salvamashqami noqantsikpa markantsik ciëlucho kaq Jerusalén kanqa.

27 Ciëlucho kaq Jerusalén atska wamrayuq kananpä kanqanpitaqa Tayta Diospa palabranchöpis kaynömi qellqaraykan:

29 Espíritu Santupa munayninwan yuriq Isaacta Agarpa wamran chikinqannömi kananpis Moisés qellqanqan leykunata cumplitsiqkuna chikimantsik.^† 30 ¿Manaku yarpäyanki Tayta Diospa palabrancho imata ninqanta? Tsaychöqa Sara kaynömi nirqan: “¡Tsay wätayta wamrantinta ras qarquy! Tsay warmipa wamranqa manami wamrä Isaacwan herenciata rakipänakuyanmantsu”.^†

31 Wawqikuna panikuna, noqantsikqa manami wätay kaq warmipa wamrannötsu kantsik, sinöqa Sarapa wamrannömi.