Hageo willakunqan witsanmi Zacaríaspis Judá nacioncho willakurqan. Paymi runakunata shakyätsirqan Tayta Diosman kutiyänanpä (Zac. 1.3-4). Mana Israel runakuna contran shäriyaptinpis Tayta Dios yanapaykanqantami willakurqan (Zac. 8.1-8). Profëta Hageo willakunqannöllami Zacaríaspis runakunata shakyätsirqan Tayta Diospa templunta yapay shäritsiyänanpä (Zac. 8.9-13). Tsaynöpis willakurqan maytsaychöpis Tayta Dios mandananpä kanqantami (Zac. 14.9). Zacarías willakurqan pitsqa pachak ishkay chunka (520) watanö Jesucristo manarä yuriptinmi.