Tayta Diosta Jonás mañakunqan
2
(2) Pescädupa pachancho kaykarmi Tayta Diosta Jonás mañakur nirqan:2 (3) “Tayta Dios, pasaypa llakikur mañakamuptïmi wiyamashqayki.†
Wanunäpäna kaykar qayakuptïmi salvamashqayki.
3 (4) Lamarman jitarpamaptikimi pasaypa ruriman charqä.
Lamar yaku pulchaqyar shamuqpis janäpami päsarqan.†
4 (5) Ñöpaykipita qarqamanqaykitami yarparqä.†
Tsaynöpis yarparqä sagrädu templuykiman manana yaykunäpä kanqantami.
5 (6) Yaku pasaypa tsaparämaptinmi lamar rurincho karqä.
Yaku rurincho qewa wiñamuqpis umämanmi awrikarqan.
6 (7) Pasaypa ruriyaqmi charqä.†
Mananami yarqamunäpä kanqanta yarparqänatsu.
Tayta Diosllä, wanunäpä kaykaptï qammi salvamashqayki.†
7 (8) Tayta Dios, wanunaykarnami qamman mañakamurqä.
Mañakamunqätami santu templuykipita wiyamashqayki.
8 (9) Ïdulukunata adoraqkunaqa Diospa kuyakuyninpita witikuyanmi.
9 (10) Noqaqa llapan shonqüwan agradëcikurmi sacrificiukunata qampä rupatsishä.
Qamta awninqätaqa llapantami cumplishä.†
Qamllami munayyuq kaykanki pitapis salvanaykipä”.
10 (11) Tsaymi Tayta Dios mandaptin Jonásta lamar kuchunman pescädu lanzaramurqan.