11
Tantaykita yakuman jitay.Waray warantin tsay jitanqaykita tarinkimi.a
2 Tsay ninqannölla kanqanpita pïmaytapis yanapanki.
Waray warantinkuna desgracia päsashuptiki kikikitapis yanapashunkimi.
3 Pukutay yanaypa juntaptinqa musyantsikmi tamyamunanpä kanqanta.
Jacha witsaypa ishkiptin o uraypa ishkiptinpis musyantsikmi ishkinqallancho ushakänanpä kanqanta.
4 Tsunyaq jirkapita wayra shamuptinmi musyantsik manarä murukunantsikpä kanqanta.
Lamarpita pukutay juntamuptinmi musyantsik manarä cosechanantsikpä kanqanta.
5 Itsanqa manami musyantsiktsu wayra maypa aywanqanta,†
mamanpa pachancho wamra imanö rurakanqanta†
y imaykatapis kamaq Tayta Dios imata ruranqantapis.
6 Tsaynöllami musyantsiktsu punta muruy o qepa muruy mas alli wayunanpä kanqanta.
Capazchi ishkanpis alli wayunqa.
Tsaynö kaptinqa puntata y qepatapis murukushun.
Chölukunata yätsinqan
7 Atsikyay patsacho kawayqa pasaypa kushikuypämi kaykan. 8 Atska wata kushishqa kawarpis wanurqa atsikyayta imaypis manami rikankinatsu. Manami musyankitsu wanukur imanö kanaykipä kanqantapis.