Salmo 136 (135)
Tayta Diosta agradëcikunqan
1 Allillata ruraq kanqanpita Tayta Diosta agradëcikuyay.
Kuyakuq kayninqa imaypis manami ushakantsu.†
2 Llapan dioskunapa Diosnin Tayta Diosta agradëcikuyay.
Kuyakuq kayninqa imaypis manami ushakantsu.
3 Munayyuq Tayta Diosta agradëcikuyay.
Kuyakuq kayninqa imaypis manami ushakantsu.
4 Payllami milagrukunata ruran.
Kuyakuq kayninqa imaypis manami ushakantsu.
5 Shumaq tantiyakuykurmi ciëlutapis kamarqan.†
Kuyakuq kayninqa imaypis manami ushakantsu.
6 Yaku chawpinchömi tsaki patsatapis kamarqan.†
Kuyakuq kayninqa imaypis manami ushakantsu.
7 Rupaytapis killatapis kamarqanmi.
Kuyakuq kayninqa imaypis manami ushakantsu.
8 Rupayta kamarqan junaqpa atsikyänanpämi.
Kuyakuq kayninqa imaypis manami ushakantsu.
9 Killatawan qoyllurkunatanami kamarqan paqaspa atsikyänanpä.†
Kuyakuq kayninqa imaypis manami ushakantsu.
10 Egipto runakunapa mayor tsurinkunatami wanutsirqan.†
Kuyakuq kayninqa imaypis manami ushakantsu.
11 Israel runakunatami Egiptupita jipimurqan.†
Kuyakuq kayninqa imaypis manami ushakantsu.
12 Mantsakaypä kaqkunata rurarmi paykunata jipimurqan.
Kuyakuq kayninqa imaypis manami ushakantsu.
13 Puka Lamartapis ishkaymanmi rakirqan.
Kuyakuq kayninqa imaypis manami ushakantsu.
14 Lamar chawpinpami Israel runakunata päsatsirqan.
Kuyakuq kayninqa imaypis manami ushakantsu.
15 Faraónta y soldädunkunatami itsanqa Puka Lamarcho ushakätsirqan.†
Kuyakuq kayninqa imaypis manami ushakantsu.
16 Kuyanqan runakunatami tsunyaq jirkapa pusharqan.†
Kuyakuq kayninqa imaypis manami ushakantsu.
17 Munayyuq reykunatami wanutsirqan.
Kuyakuq kayninqa imaypis manami ushakantsu.
18 Munayyuq kayaptinpis tsay reykunata ushakätsirqanmi.
Kuyakuq kayninqa imaypis manami ushakantsu.
19 Paymi wanutsirqan amorreo runakunapa mandaqnin rey Sihónta.†
Kuyakuq kayninqa imaypis manami ushakantsu.
20 Basán nacionpa mandaqnin rey Ogtapis wanutsirqanmi.†
Kuyakuq kayninqa imaypis manami ushakantsu.
21 Paykunapa nacionninkunatami Israel runakunatana herencian kananpä rikatsirqan.
Kuyakuq kayninqa imaypis manami ushakantsu.
22 Sirviqnin Israel runakunatami herencian kananpä aypurqan.
Kuyakuq kayninqa imaypis manami ushakantsu.
23 Ima desgracia päsamashqapis payqa manami qonqämantsiktsu.
Kuyakuq kayninqa imaypis manami ushakantsu.
24 Chikimaqnintsikkunapitami salvamarqantsik.
Kuyakuq kayninqa imaypis manami ushakantsu.
25 Llapanpämi mikuyta kamaripan.
Kuyakuq kayninqa imaypis manami ushakantsu.
26 ¡Ciëlucho kaykaq Tayta Diosta agradëcikuyay!
Kuyakuq kayninqa imaypis manami ushakantsu.