Salmo 129 (128)
Chikiqninkunata vincinanpä Tayta Diosta mañakuyanqan
Kay salmuqa Jerusalénman aywaqkuna cantayänanpämi.
1 Chölu kanqäpita patsami chikimaqnïkuna pasaypa ñakatsiyämarqan.a
Llapan Israel runakunapis tsaynölla niyätsun.
2 “Chölu kanqäpita patsami chikimaqnïkuna pasaypa ñakatsiyämarqan.
Imanö karpis manami ushakätsiyämashqatsu.
3 Barbichaqnömi chikimaqnïkuna waqtäta asutayämashqa.
4 Tsaynö kaptinpis Tayta Diosqa alli juezmi.
Mana alli runakunapa makinpitami jipimashqa”.
5 Siónta chikiq runakunaqa penqakushqa qeshpiyätsun.
6 Wayi janancho wiñaq qewa ras tsakinqannö ushakäyätsun.
7 Trïgu achuqkuna mana cäsupäyanqan tsaki qewanölla kayätsun.
8 Tsay runakunataqa ama pipis nitsuntsu:
“Tayta Dios yanapaykushuy.
Paypa jutincho bendicionta chaskiykullay”.