Salmo 130 (129)
Tayta Diosman yärakunqan
Kay salmuqa Jerusalénman aywaqkuna cantayänanpämi.
1 Tayta Dios, pasaypa llakikur ima ruraytapis mana kamäpakurmi mañakamü.
2 Mañakamunqäta wiyaykallämay.
Rugakamunqäta awniykallämay.
3 Tayta Dios, jutsa ruraqkunata juklla castigaptikiqa ¿pirä kawanman?
4 Jutsasapa kayaptinpis mantsapakuyäshunaykipämi jutsankunata perdonanki.
5 Llapan shonqüwanmi Tayta Diosman yärakü.
Awnimanqankunatami shuyaraykä.
6 Tayta Diosta rikan rikanllami shuyaraykä.
Täpakuqkuna patsa waränanta shuyaranqanpitapis masrämi yanapamänanpä shuyaraykä.
7 Israel runakuna, Tayta Diosta shuyaräshun.
Paymi kuyapämäshun y imapitapis salvamäshun.
8 Tayta Diosmi llapan jutsa ruraypita perdonamäshun.†