Salmo 128 (127)
Tayta Diosta cäsukuq runa bendicionta chaskinqan
Kay salmuqa Jerusalénman aywaqkuna cantayänanpämi.
1 Kushishqami kayan Tayta Diospita mantsapakur pay munanqannö kawaqkuna.
2 Qampis tsaynö karqa kushishqami kawanki.
Arur gänanqaykipis ministinqaykikunapä aypanqami.
3 Alli wayuq üvanömi warmikipis atska wawayuq kanqa.
Tsurikikunanami mësaykicho qorikar olïvus jacha lloqlluypa lloqllur wiñaykaqnö atska kayanqa.
4 Tayta Diospita mantsapakuq runaqa tsaynömi bendicionta chaskinqa.
5 Sión jirkanpita patsa Tayta Dios bendicionninta qoykulläshuy.
Jerusaléncho taqkuna añaw kawayanqanta rikanaykipä qoyay qoyay yanapaykulläshuy.
6 Willkaykikunata reqinqaykiyaq kawanaykipäpis yanapaykulläshuy.
¡Israel nacioncho runakuna alli kawaykuyällätsun!